Pad Minskam źjavilisia pieršyja «razumnyja» kvatery ad zabudoŭščyka

Pieršyja ŭ krainie «razumnyja» kvatery źjavilisia ŭ zaharadnym kvartale «Pirs». Žyllo sa «źvilinami» adsočvaje źjaŭleńnie dymu, praciok vady i niaprošanych haściej, a z dapamohaj hałasavoha kiravańnia možna pahasić śviatło, uklučyć muzyku abo zapuścić tranślacyju «Zornych vojnaŭ». Smart-kvatery ŭkaranili zabudoŭščyk «A-100 Deviełapmient» sumiesna ź Jandeksam.

Sistema abjadnoŭvaje roznyja pryłady pa ŭsioj kvatery. U bazavy kamplekt uvachodziać datčyki zadymleńnia, pracioku, ruchu i adkryćcia dźviarej abo voknaŭ. Praduhledžanyja try razumnyja razietki, kamiera videanazirańnia z ahladam 360 hradusaŭ, IČ-pult i centr kiravańnia. U kamplekcie taksama dźvie razumnyja kałonki ad Jandeksa.

«Razumnaja» kvatera dazvalaje kiravać bytavymi pryborami i sačyć za biaśpiekaj. Adny datčyki nastrojenyja na toje, kab «pračynacca» pry źjaŭleńni dymu ci praciakańni vady na kuchni ci ŭ vannym pakoi. Inšyja reahujuć na padazronuju aktyŭnaść: ruch, adkryćcio voknaŭ abo dźviarej, kali haspadaroŭ niama doma.

Pry pahrozie sistema pačnie sihnalić i słać paviedamleńni na smartfon, z dapamohaj jakoha možna adsočvać stan i status pryboraŭ dystancyjna. Sistemu videanazirańnia možna ŭstalavać u luby pakoj, i, znachodziačysia pa-za domam, pavaročvać jaje i atrymlivać «karcinku» pad roznym ahladam u režymie realnaha času. Usie zapisy na praciahu tydnia buduć zachoŭvacca ŭ «vobłaku» prahramy.

Razumnyja razietki možna ŭklučać ci vyklučać hołasam i sa smartfona. Jany abiastočać prybor pry skačku napružańnia abo karotkim zamykańni, ale zdolnyja i na bolšaje, naprykład: infarmavać, ci aktyŭnaja razietka albo nie, a taksama kali vy zabylisia pra ŭklučany pras.

Kiravać pryładami možna hołasam abo kamandami z prahramy. Virtualnaja pamočnica sinchranizavanaja z pryborami i reahuje na prośby ŭ styli «Alisa, zahasi taršer» abo «Alisa, uklučy kałychanku». Pryłady možna abjadnoŭvać u scenary. Naprykład, vymavić «Alisa, ty za hałoŭnuju», kab vyklučyć usie prybory ŭ razumnych razietkach i pastavić dom «na achovu». Frazy možna prydumlać samastojna.

Pieršyja razumnyja kvatery pačali ŭkaraniać u kvartale «Pirs». U pryvatnaści, kamplekty raźličanyja na dvuchpakajovyja kvatery z azdableńniem u sicichausach. Pry žadańni bazavy pakiet možna samastojna pašyryć inšymi datčykami i pryborami. Pahladzieć rašeńnie ŭ dziejańni možna ŭ demanstracyjnaj kvatery zabudoŭščyka ŭ kvartale «Pirs».

• 0
• 0
• 0
• 0
• 0
• 0
• 0
• 0