14 lutaha pamior Enhiels Daraševič — doktar fiłasofskich navuk, prafiesar kafiedry etnałohii i falkłoru Biełaruskaha ŭniviersiteta kultury i mastactvaŭ. Jamu było 88 hadoŭ.
Enhiels Daraševič naradziŭsia 26 kastryčnika 1931 hoda ŭ Minsku ŭ siamji słužačych. U Druhuju suśvietnuju vajnu z maci byŭ u evakuacyi, u tym liku ŭ Stalinhradzie, dzie žančyna pracavała vajennym miedykam. Baćka Enhielsa Kanstancinaviča zahinuŭ, zmahajučysia ŭ minskim padpolli.
Enhiels Daraševič skončyŭ 42-ju minskuju škołu (jakaja dała śvietu nobieleŭskaha łaŭreata Žoresa Ałfiorava), BDU. 3 1958 hoda pracavaŭ u Instytucie fiłasofii i prava Akademii navuk BSSR. U 1985 hodzie abaraniŭ doktarskuju dysiertacyju «Fiłasofija epochi Aśvietnictva ŭ Biełarusi». U 1984 hodzie staŭ łaŭreatam Dziaržaŭnaj premii BSSR za ŭdzieł u napisańni cykła daśledavańniaŭ pa historyi fiłasofskaj i hramadska-palityčnaj dumki Biełarusi.
U 1990—2000-ja hady prafiesar Daraševič pracavaŭ u Nacyjanalnaj akademii navuk Biełarusi zahadčykam adździeła sacyjałahičnych daśledavańniaŭ ideałahičnych pracesaŭ Respublikanskaha centra sacyjałahičnych daśledavańniaŭ pry Instytucie fiłasofii i prava, hałoŭnym navukovym supracoŭnikam Instytuta sacyjałohii, a taksama ŭ staličnych ustanovach vyšejšaj adukacyi. Z 2009 hoda pracavaŭ prafiesaram kafiedry etnałohii i falkłoru BDUKM.
Raźvitańnie z prafiesaram Enhielsam Daraševičam projdzie 17 lutaha ŭ ścienach BDUKM (vuł. Rabkoraŭskaja, 17), paviedamili «Našaj Nivie» jaho kalehi.
U minskim mietro prachodziać vyprabavańni novyja ciahniki FOTY3
U minskim mietro prachodziać vyprabavańni novyja ciahniki FOTY
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju2020
Kamientary