Śviet99

Ci moža sacyjalist stać prezidentam Amieryki? Chto taki Berni Sanders

Berni Sanders u Demakratyčnaj partyi aŭtsajdar — u tym značeńni hetaha słova, jakoje procilehłaje słovu «insajdar». Jon ustupiŭ u Demakratyčnuju partyju tolki ŭ 2015 hodzie, kab pazmahacca za kandydactva ŭ prezidenty, a ŭ 2016-m vyjšaŭ. I druhi raz ustupiŭ u 2019-m. 

Na siońnia jon pieršy pa papularnaści siarod kandydataŭ u prezidenty ad demakrataŭ. U Ajovie jon krychu sastupiŭ Butydžydžu, a ŭ Ńju-Hiempšyry i Nievadzie pieramoh.

Čamu demakraty masava hałasujuć za palityka, jaki navat u partyi amal nie byŭ? Čamu 78-hadovy samy papularny siarod moładzi? Tamu što Sanders rezki, ščyry i inakšy. A šarahovyja demakraty sick and tired ad «pravilnych», tradycyjnych palitykaŭ. Tak 4 hady tamu ŭ respublikancaŭ pieramoh aŭtsajdar Tramp, tak ciapier źbiraje natoŭpy Sanders.

Sienatar ad malupasieńkaha štata Viermont usio žyćcio stajaŭ na bolš levych pazicyjach, čym libieralnaja Demakratyčnaja partyja, navat simpatyzavaŭ Savieckamu Sajuzu.

Było b vielmi niezvyčajna, kali b jon staŭ kandydatam. I ciažka navat sabie ŭjavić, što taki čałaviek zmoža stać prezidentam.

Pa-pieršaje, na momant vybaraŭ jamu budzie 79. Nikoli nichto nie rabiŭsia prezidentam u takim pavažnym vieku. Pa-druhoje, jon pieranios infarkt, a amierykancy raniej zaŭsiody byli zacyklenyja na zdaroŭi i spartovaści svaich publičnych lidaraŭ. Pa-treciaje, jon jaŭrej, a jaŭrei nikoli raniej nie byli prezidentami ZŠA (ale i ciemnaskuryja ž nie stanavilisia da Abamy). Adnak, samaje hałoŭnaje, Sanders nie baicca nazyvać siabie sacyjalistam, choć samo hetaje słova doŭhi čas u Amierycy było źniavahaj: Novy śviet heta ž nie Šviecyja ci Francyja ź ich sacyjał-demakratyčnymi tradycyjami.

Varta zaŭvažyć, u čym zaklučajecca «sacyjalistyčnaść» u ZŠA. Sanders prapanuje stvaryć sistemu biaspłatnaj achovy zdaroŭja — u bolšaści jeŭrapiejskich krain i Kanadzie takija isnujuć, ale nie ŭ Amierycy. Tut, kali ty nie maješ strachoŭki, nichto ciabie za tak lačyć nie budzie. Pa-druhoje, Sanders choča zrabić vyšejšuju adukacyju biaspłatnaj. Iznoŭ ža, u bolšaści jeŭrapiejskich krain nam heta zdajecca normaj, ale nie ŭ ZŠA. U pryncypie, ad takich pieramien nieba nie ŭpadzie na ziamlu, ale heta bje pa vialikich finansavych intaresach i heta niazvykła, a tamu budzie vyklikać vialikaje procidziejańnie. ŚMI, blizkija da Uoł-stryt, užo ciapier malujuć Sandersa čortam z rahami, a Tramp, jaki za słovam u kišeniu nie lezie, nazyvaje svajho patencyjnaha kankurenta Crazy Bernie — stuknuty Berni.

Na siońnia Sanders karystajecca padtrymkaj tolki prykładna 30% demakrataŭ. Ale łahier «pamiarkoŭnych» padzieleny, tam pretendentaŭ, jak toj kazaŭ, «zavozna». Hałasy tam padzielenyja miž eks-vice-prezidentam Bajdenam, pradstaŭnikom maładoha pakaleńnia Butydžydžam, miljarderam Błumbierham i sienatarkaj Kłabučar. U vyniku Sanders moža akazacca pieršy.

Treba addać jamu naležnaje: jon vydatny aratar, pałymiany, ale ź miakkim i ciopłym intelihientnym humarkom.

A što ŭ jaho z hrašyma? Sanders maładym byŭ biedny jak carkoŭnaja myš. I kali byŭ meram maleńkaha haradka Burlinhtan — taksama. Ale kali jaho abrali deputatam pałaty pradstaŭnikoŭ, a paśla sienataram (jon doŭhi čas byŭ adzinym niezaležnym sienataram, astatnija byli demakratami ci respublikancami), heta aznačała vializny zarobak. Sanders z rozumam ukłaŭ hrošy ŭ nieruchomaść, kupiŭ dom i daču, jakija paśla vyraśli ŭ canie. A paśpiachovaja kampanija 2016 hoda, kali jon adziny kinuŭ vyklik Chiłary Klintan, daŭ jamu ahulnanacyjanalnuju viadomaść i jaho kniha «Naša revalucyja» (Our Revolution: A Future to Believe Inpryniesła jamu miljonny hanarar. Tamu ciapier ruch za «revalucyjnyja pieramieny» ŭznačalvaje miljanier. Darečy, u Amierycy ciapier, pa acenkach Boston Consulting Group, bolš za 7 miljonaŭ haspadarak adnosiacca da miljanieraŭ.

Kali Sanders stanie kandydatam, jak heta paŭpłyvaje na Biełaruś? Naŭprost nijak, ale mnohija sa ździŭleńniem adkryjuć dla siabie, što, vyjaŭlajecca, idei tradycyjnaj sacyjał-demakratyi ź ich akcentam na sacyjalnuju spraviadlivaść, dziaržaŭnaje rehulavańnie i pieraraźmierkavańnie bahaćcia na karyść biadniejšych słajoŭ nasielnictva ŭsio jašče papularnyja.

Kamientary9

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Bankaŭskija insajdary ličać novyja sankcyi suprać čatyroch biełaruskich bankaŭ małaznačnymi. I voś čamu9

Bankaŭskija insajdary ličać novyja sankcyi suprać čatyroch biełaruskich bankaŭ małaznačnymi. I voś čamu

Usie naviny →
Usie naviny

Kavieryn nie budzie vykazvacca pra situacyju Stryžaka. Kab nie vykraślili z prafiesii i jaho28

U minskim mietro źjaviłasia novaja schiema linij, mnohim pasažyram nie padabajecca dyzajn3

Były hiendyrektar Tut.by Alaksandr Čekan — pra partał, Zisiera, startapy i prahnoz pa raźvićci technałohij7

Cichanoŭskaja pra spravu Stryžaka: Toje, što zrabiŭ kiraŭnik — nie padstava razburać fundamient10

U carkvie-šedeŭry, što zhareła pad Žabinkaj, da 2020 hoda słužyŭ śviatar-palitviazień Razanovič1

Carkva ŭ Ściapankach zhareła całkam VIDEA

U Polščy skasoŭvajuć terminy razhladu zajaŭ na mižnarodnuju abaronu1

Zhareŭ šedeŭr narodnaj architektury Paleśsia — carkva ŭ Ściapankach. Jana zastałasia na fotach «Našaj Nivy»

Hiermanija prypyniła vydaču humanitarnych viz. Ich atrymlivali i biełarusy6

bolš čytanych navin
bolš łajkanych navin

Bankaŭskija insajdary ličać novyja sankcyi suprać čatyroch biełaruskich bankaŭ małaznačnymi. I voś čamu9

Bankaŭskija insajdary ličać novyja sankcyi suprać čatyroch biełaruskich bankaŭ małaznačnymi. I voś čamu

Hałoŭnaje
Usie naviny →

Zaŭvaha:

 

 

 

 

Zakryć Paviedamić