Źjaviłasia detalizavanaja zdymka Minska z vyšyni — u tym liku Drazdy i dvor KDB
Na zamovu Dziaržaŭnaha kamiteta pa majomaści ŭ vieraśni 2019 hoda zrabili ortafotazdymku Minska i prylehłych terytoryj. Detalizacyja vysokaja: na hetych kadrach razhledzieć abjekty źvierchu možna lepš, čym na zdymkach dla inšych mapaŭ, zroblenych sa spadarožnika, piša tut.by.
Ahulnaja płošča źniatych dla ortafotamozaiki terytoryj — kala tysiačy kvadratnych kiłamietraŭ. Jakaść zdymkaŭ — 15 santymietraŭ u adnym piksieli. Zdymku viali dla stvareńnia ziamielna-infarmacyjnaj sistemy (ZIS) Minska.
Centr i niekalki «zasakrečanych» budynkaŭ
Na mapie jość niekalki zabluranych miescaŭ: tak, zakryli budynki Ministerstva abarony ŭ centry horada, SIZA № 1 («Vaładarka») u Piščałaŭskim zamku, Pałac niezaležnaści. U hetym śpisie i placoŭka za Pałacam Respubliki — budynak upraŭleńnia vajskovaj kontrvyviedki znachodzicca pobač z kaviarniami i barami na vulicy Internacyjanalnaj.
Ale jość i niezabluranyja cikavyja abjekty. Na praśpiekcie Niezaležnaści — na ščaście, niedasiažny dla bolšaści dvoryk KDB. Na zdymku bačna, što tam pryparkavany u tym liku bujnyja aŭto.
U centry jość jašče adzin schavany ad starońnich vačej dvor — na Karła Marksa, 38, pry Administracyi prezidenta. Jaho ŭpryhožvaje tolki jarkaja kłumba.
Traktarny zavod i avijacyja
Terytoryi Traktarnaha zavoda padobnyja źvierchu na pole tetrysa: bačnyja cechi i technika.
A voś na poli Akademii avijacyi ŭ Čyžoŭcy bačnaja nievialikaja ekspazicyja samalotaŭ. Možna razhledzieć navat, jakim avijakampanijam jany naležali.
Na terytoryi Nacyjanalnaha aeraporta taksama možna znajści viadomyja samaloty. Naprykład, bieły samalot u levym kucie vydajuć koler ściaha na chvaście i čyrvonyja elemienty na kryłach — vielmi nahadvaje stary prezidencki «boinh».
Drazdy i rezidencyja prezidenta ŭ Zasłaŭi
Adna z rezidencyj prezidenta ŭ Minsku zabluranaja, ale rezidencyi prezidenta ŭ Drazdach i Zasłaŭi jašče dastupnyja dla prahladu z mapaŭ.
Tak, u Drazdach, akramia spartyŭnych i viertalotnaj placovak, možna razhledzieć i dobraŭparadkavańnie. Kala doma niešta padobnaje da fantana, a pobač ź inšym učastkam jość navat dziciačaja placoŭka.
Bolš kampaktnaj vyhladaje terytoryja ŭ Zasłaŭi. Zaŭvažyli, što z raniejšaha miesca źnikła altanka, padoranaja prezidentam Uźbiekistana Šaŭkatam Mirzijojevym. Jana znachodziłasia kala zbudavańnia, padobnaha da basiejna.
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary