Čynoŭniki adreahavali na materyjał «NN»: raźviazki ŭ Pleščanicach pakul nie budzie, bo doraha
Nahadajem sutnaść historyi: na siońnia žycharam Pleščanic, kab trapić u miastečka, davodzicca prapuskać sustrečny trafik, jaki rušyć ź Viciebska ŭ Minsk, a jon dosyć intensiŭny. Praz heta tut pastajanna adbyvajucca avaryi, choć chutkaść na ŭčastku abmiežavanaja da 40 km/h.
Ciapier M3 rekanstrujujuć. Miascovym žycharam spačatku paabiacali pabudavać nievialikuju raźviazku, kab mašyny mahli raźjechacca na roznych uzroŭniach. Ale ciapier płany ŭ metach ekanomii pierahledzieli — i na miescy ciapierašniaha skryžavańnia zamiest raźviazki zrobiać barjer. A levy pavarot uvohule zabaroniać.
Tym, chto rušyć ź Minska ŭ Pleščanicy, prapanujuć prajechać niekalki kiłamietraŭ da nastupnaj raźviazki z R63, a paśla na joj paviarnuć u Pleščanicy. Atrymlivajecca dadatkovyja 5 (pa padlikach Mintransu, kala 4) kiłamietraŭ.
Toje samaje avaryjnaje miesca. Uvierch sychodzić daroha ŭ Minsk, naleva — u Viciebsk, naprava — u Pleščanicy
Administracyja prezidenta adreahavała na materyjał «Našaj Nivy» i daručyła Ministerstvu transpartu dać tłumačeńni. U adkazie viedamstva havorycca, što kaštarysnaja vartaść prajekta składaje 64 miljony rubloŭ, rekanstrukcyja adbyvajecca za košt kredytnych srodkaŭ Banka raźvićcia.
«Admova ad budaŭnictva dvuchuzroŭnievaj raźviazki pry nievysokaj intensiŭnaści levapavarotnych manieŭraŭ dazvolić patańnić košt budaŭničych rabot, a taksama minimizavać vyrubku zialonych nasadžeńniaŭ i pamienšyć abjom hruntu, jaki dastaŭlajecca da abjekta», — ličać u Mintransu.
Pa raźlikach viedamstva, pieraprabieh aŭtatranspartu pry vykarystańni raźviazki na pierasiačeńni daroh M3 i R63 składzie «kala 4 kiłamietraŭ» (miascovyja žychary kažuć pra 5 kiłamietraŭ).
Razam z tym u viedamstvie abnadziejvajuć, što razhledziać mahčymaść uklučeńnia budaŭnictva hetaj raźviazki ŭ prahramu «Darohi Biełarusi» na 2021—2025 hady. Prahramu jakraz pačnuć farmiravać sioleta.
Čytajcie. Žychary Pleščanicaŭ nie chočuć jeździć dadatkovyja 5 kiłamietraŭ i patrabujuć pabudavać raźviazku na M3
Ciapier čytajuć
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj51
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1515
Kamientary