Rasijski palityk Uładzimir Žyrynoŭski adkazaŭ na aniekdot Alaksandra Łukašenki prapanovaj sustrecca na miažy dźviuch krain i vypić za zdaroŭje rasijcaŭ i biełarusaŭ. Jaho słovy pryvodzić RIA Novosti.
«Darahi Alaksandr Ryhoravič! Ja byvaŭ u Biełarusi nieadnarazova, my z vami sustrakalisia. Praŭda, u apošni čas nijak ubačycca nie atrymlivałasia. I ja tak zrazumieŭ z apošniaha vašaha aniekdota pra mianie, što vy chočacie vypić sa mnoj. Ale pakolki my nie možam jeździć za miažu — pryjdziecca dva tydni siadzieć na karancinie — ja prapanuju vam sustrecca na biełaruska-rasijskaj miažy ŭ Smalenskaj vobłaści», — źviarnuŭsia Žyrynoŭski da Łukašenki.
Pa słovach lidara frakcyi, hubiernatar Smalenskaj vobłaści Alaksiej Astroŭski, źjaŭlajučysia členam jaho partyi, nakryje im stoł i daść mahčymaść vypić «za zdaroŭje ruskich i biełarusaŭ». «A kali treba, to tam ža i łazieńku arhanizujem — ruska-biełaruskuju. Da sustrečy na miažy, darahi Alaksandr Ryhoravič», — skazaŭ Žyrynoŭski.
Kamientary