Rasija ŭviała zabaronu na vyvaz krupaŭ. Jak heta adabjecca na Biełarusi
Zapasaŭ hrečki ŭ našaj krainie chopić na try miesiacy. A embarha naŭrad ci praciahniecca doŭha.
Rasija ź piatnicy zabaraniła na 10 dzion adhruzki lubych krup za miažu. U liście Raśsielhasnahlada adznačajecca, što zabaronu ŭvodziać terminam na dziesiać dzion da admysłovych ukazańniaŭ pracoŭnaj hrupy pa supraćdziejańni raspaŭsiudžvańniu karanavirusnaj infiekcyi na terytoryi Rasii.
Taki krok paklikany harantavać zachavańnie dastatkovaha zapasu krup na vypadak paharšeńnia epidemičnaj situacyi.
Dla Biełarusi heta maje značeńnie, bo naša kraina zakuplaje hreckija krupy i pšano z Rasii.
Ale pa infarmacyi kanała Biełsielhas zapasaŭ hrečki na składach Biełarusi jość minimum na try miesiacy (kala 6 młn kh pry štomiesiačnym spažyvańni ŭ 1,7 młn kh). Zapasaŭ bolš prostych krup typu piarłoŭki, jakija vyrablajucca na miascovaj syravinie, naša kraina maje na ceły hod.
Zabarona ŭ Rasii ŭvodzicca na 10 dzion i naŭrad ci praciahniecca doŭha paśla pieryjadu ažyjatažnaha popytu, bo Rasija vyrablaje našmat bolš hrečki i pšana, čym sama spažyvaje.
Ciapier čytajuć
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy29
Kamientary