7 śniežnia ŭ Vilni kala Ambasady Biełarusi prajšła akcyja suprać hibrydnych atak režymu. Jaje ŭdzielniki padkreślili, što ahresiŭnaja palityka Łukašenki nie adlustroŭvaje pazicyju biełaruskaha naroda, paviedamlaje kanał Śviatłany Cichanoŭskaj.
Padčas akcyi adbyŭsia simvaličny pierformans. Pradstaŭniki Ofisa Śviatłany Cichanoŭskaj ustalavali kala płotu ambasady nievialikuju instalacyju: da skrynak prymacavali hielijevyja šary z nadpisam «Zabiarycie — heta — vaša». Tak udzielniki simvalična «viarnuli» režymu jaho ŭłasnyja hibrydnyja ataki i padkreślili, što biełaruskaje hramadstva nie padzialaje takich dziejańniaŭ.
«Hibrydnyja ataki z boku Rasii i Biełarusi — heta sproba pravieryć, ci raskolecca demakratyja pad naciskam. Kožnaja paśpiachovaja pravakacyja, kožnaje zakryćcio aeraporta ci pierapynak u łahistycy — heta sproba pasiejać razład i stvaryć cisk na demakratyčnyja krainy, kab jany pajšli na sastupki aŭtarytarnym aktoram. My pakazvajem, što demakratyčnaja salidarnaść vychodzić za miežy dziaržaŭnych hranic i što aŭtarytarny cisk nas nie padzielić», — skazała daradca Śviatłany Cichanoŭskaj pa moładzievaj palitycy i studenctvie Marharyta Vorychava.
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii36
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja2020
Kamientary