adno z dvanaccaci vialikich śviataŭ liturhičnaha hodu.
Siońnia biełaruskija kataliki adznačajuć Dabravieščańnie Najśviaciejšaj Baharodzicy –
adno z dvanaccaci vialikich śviataŭ liturhičnaha hodu. Nazva Dabravieščańnie ŭžyvajecca ŭ pravasłaŭnaj i hreka-katalickaj tradycyjach. U ryma‑katalickaj tradycyi hetaje śviata nazyvajecca Źviestavańniem — ad taho samaha słova «viestka».
Asnova śviata – radasnaja padzieja Dabravieščańnia, apisanaja ŭ Jevanhielli pavodle Łuki (Łk 1:26‑28).
Śviatkavańnie Dabravieščańnia va Uschodniaj Carkvie pačałosia ŭ kancy IV ci pačatku V stahodździa. Bizantyjski impieratar Maŭrykij (582 – 602) robić hetaje śviata abaviazkovym va ŭsioj dziaržavie. U pieršyja stahodździ jano ličyłasia Haspodnim śviatam i było viadoma pad roznymi nazvami – Chrystova Začaćcie, Pačatak adkupleńnia, Dabravieščańnie anioła Maryi i inš. Tolki ŭ VII st. ustaloŭvajecca sučasnaja nazva śviata, i jano zaličvajecca da Baharodzičnych. Data Dabravieščańnia była ŭzaležniena ad daty śviatkavańnia Rastva Chrystovaha.
Na Zachad śviata Dabravieščańnia pryjšło niedzie pamiž 660 i 680 hadami. Tut jahonaja data była na niejki čas pieraniesiena na 18 śniežnia, bo daŭni zvyčaj nie dazvalaŭ śviatkavać padčas Vialikaha postu. Tolki ŭ XI st. usie Cerkvy na Zachadzie znoŭ pačali adznačać Dabravieščańnie 25 sakavika. Armianskaje carkva śviatkuje jaho 7 krasavika.
Ab značeńni hetaha śviata dla viernikaŭ uschodniaj tradycyi śviedčyć toj fakt, što słužba ŭ honar śviata biarecca navat tady, kali jano prypadaje na Vierbnuju niadzielu, Vialikuju piatnicu ci Uvaskrasieńnie Chrystova.
Alimpijski čempijon Aramnaŭ: Nam vyhadnaja praciahłaja vajna, i Vova dy Saša ŭ joj pieramohuć14
Kamientary