Minzdaroŭja: Śmiarotnaść ad pnieŭmanij u pieršyja miesiacy hetaha hoda była mienšaja, čym u papiarednija hady
Pnieŭmanij u Biełarusi ŭ minułym hodzie było bolš, čym sioleta, paviedamlaje Ministerstva achovy zdaroŭja. Ličby padčas bryfinhu ahučyła namieśnica ministra achovy zdaroŭja Alena Bohdan.
«Kali ŭ krainie ŭ cełym za minuły hod za try miesiacy ŭ stacyjanary pralačylisia 20 250 pacyjentaŭ ź pnieŭmanijaj, i pryčynaj śmierci pacyjentaŭ pnieŭmanija stała ŭ 153 vypadkach, to za try miesiacy hetaha hoda 18 032 pacyjenta pralečanyja ŭ stacyjanary, pamierła 128 pacyjentaŭ.
Pa Viciebskaj vobłaści ličby nastupnyja: u stacyjanary pralečana za try miesiacy minułaha hoda 4 258 pacyjentaŭ, pamierli 28. Sioleta za try miesiacy pralečanyja 3 608 pnieŭmanij, pamierli 23», — skazała namieśnica ministra.
Takaja ŭvaha da pnieŭmanij tłumačycca tym, što karanavirus časta vyklikaje ciažkija zapaleńni lohkich.
U toj ža čas nievialikaja kolkaść pnieŭmanij u studzieni i lutym mahła być źviazanaja ź miakkaj zimoj i adsutnaściu mocnaj epidemii hrypu sioleta.
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»23
Kamientary