«Nadzieła dziela pryhožaj karcinki». Na sustrečy z Łukašenkam čynoŭnica była ŭ zavodskaj uniformie
U piatnicu padčas naviedvańnia škłozavoda «Nioman» u Lidskim rajonie Alaksandr Łukašenka sustreŭsia z kalektyvam. Ničoha niezvyčajnaha, kab nie adna detal. U pieršym šerahu razam z supracoŭnikami zavoda ŭ siniaj uniformie stajała pres-sakratarka rajona Maryna Hryhorjeva.
Inšyja čynoŭniki, jakich možna zaŭvažyć na sustrečy, stajać u dziełavych kaściumach, biez chałataŭ.
«Naša Niva» patelefanavała Marynie Hryhorjevaj i spytała: niaŭžo heta zvyčajna praktyka — stajać u formie ŭ pieršych šerahach?
«Nie, heta nie zvyčajnaja praktyka. Maja zadača była prosta hladzieć, kab ludzi stajali roŭna, nie pierachodzili liniju peŭnuju. Voś i ŭsio. Absalutna nijakaj kramoły.
Dla kadra było pryniata takoje rašeńnie. Nie zusim udałaje, ja zhodnaja. Forma była nie pa pryznačeńni vykarystana, tolki dziela pryhožaj karcinki», — patłumačyła pres-sakratarka rajona.
«Na inšych zavodach vy taksama apranajecie formu?»
«Nie, nu što vy havorycie!» — zapeŭniła jana.
Pytańniaŭ padčas taho vizitu Maryna Hryhorjeva nie zadavała.
«Ja adziny čałaviek [z administracyi], jaki tam apynuŭsia, prosta ŭ mianie była inšaja misija. Astatnija ŭsie, jak i naležyć, — supracoŭniki zavoda. Možacie nie sumniavacca».
Na sustrečy z kiraŭnikom krainy ludzi stajać davoli ščylna. Pacikavilisia ŭ pres-sakratarki, ci nie prapanoŭvali im dla biaśpieki nadzieć maski.
«Vy bačycie, što kolkaść ludziej była vielmi nievialikaja, vyklučna ŭ hetych metach», — prakamientavała jana prafiłaktyčnyja miery.
Raniej Maryna Hryhorjeva pracavała karespandentkaj na Lidskim telebačańni. Pasadu pres-sakratarki rajona jana zaniała ŭ studzieni hetaha hoda.
-
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna
-
Ministr Markaŭ zajaviŭ, što treba zmahacca z tymi, chto kaža pra ŭščamleńnie ruskaj ci biełaruskaj movy
-
Što ŭ realnaści adbyłosia pad Smalavičami? Voś samaja łahičnaja pryčyna nalotu ašalełych rasijskich małaletak
Ciapier čytajuć
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna8
Kamientary