Aleh Kraŭcoŭ — druhi miedyk ź Lidy, jakoha zakryli na sutki. Jamu 31 hod, praŭda, miedycyna dla chłopca tolki padpracoŭka. Pastajanna jon pracuje ŭ miascovaj kramie «5 Elemient», ale paru razoŭ na miesiac vychodzić na źmienu ŭ bryhadu chutkaj dapamohi. Pracuje fielčaram.
Kraŭcova zatrymali ranicaj 8 maja ŭ sudzie Lidskaha rajona. Jon pryjšoŭ tudy padtrymać svajho kalehu, fielčara chutkaj dapamohi Paŭła Palejčyka, jakoha asudzili na 7 sutak za ŭdzieł u sustrečy z błohieram Cichanoŭskim. Sustreča prachodziła jašče 22 krasavika.
Čytajcie taksama: Fielčar z chutkaj u Lidzie zajaviŭ pra cisk na pracy — i atrymaŭ 7 sutak
«Nie treba bajacca, treba abjadnoŭvacca. Bo kali my słabyja, my baimsia. Dajšli da taho, što ludzi, zdajecca, stali hatovyja da Paŭnočnaj Karei. Zaŭtra abviaści, što ŭsio, barjer, my hatovyja ŭsio zakryć — i nichto ničoha nie zachoča zrabić. Usie razam družna stupiać u «ščaślivuju budučyniu», — vykazaŭsia na sustrečy Kraŭcoŭ. — Ale situacyja, u jakoj my znachodzimsia, — kožny sam vinavaty ŭ hetym. Narod zasłuhoŭvaje svajho praviciela. My bačym prykład toj ža Armienii, dzie ludzi byli niezadavolenyja i štości źmianili. Pakul u nas nie budzie krytyčnaj masy, niama na što spadziavacca. Nichto za vas ničoha nie zrobić».
Samoha Kraŭcova ŭ dzień zatrymańnia, 8 maja, i asudzili. Jon taksama atrymaŭ 7 sutak.
Ciapier čytajuć
Syn Siarhieja Bulby źbiraje hrošy ŭ Polščy, prydumaŭšy sabie bijahrafiju vieterana i palityčnaha ŭciekača38
Kamientary