U Minsku zapracavaŭ novy HC. Narod sabraŭsia jašče da adkryćcia
Handlovy centr «4 siezony» adkryŭsia ŭ mikrarajonie «Čyrvony Bor» za Kamiennaj Horkaj. Jon zapracavaŭ siońnia a 14.00, ale nie mienš za sotniu minčukoŭ sabralisia jašče da adkryćcia i čakali, pakul adčyniacca dźviery. Realt.by raskazaŭ pra hety handlovy centr i što ŭ im užo pracuje.
HC «4 siezony» adkryŭsia pa adrasie Skrypnikava, 47. Heta niedaloka ad MKAD, u rajonie vulic Prytyckaha, Adzincova i Mazurava. Ad stancyi mietro «Kamiennaja Horka» — krychu mienš za kiłamietr.
Pra hety handlovy centr spakojna možna było nie čuć, ale jahonaje imia pry hetym moža być znajomym: z takoj ža nazvaj jość žyły kompleks na vulicy Biady. Zabudoŭščyk u ŽK i HC adzin — TAA «TENKinviest». Akramia hetaha, kampanija budavała žyłyja kompleksy «Alaksandraŭ Park» i «Akvarel», handlovy centr «Pieriekriostok» i biznes-centr «Tenk».
Płošča handlovaha centra — 16 tysiač kvadrataŭ, zapłanavanyja fudkort, dziciačy zabaŭlalny centr i kryty parkinh na 300 mašynamiescaŭ i naziemnaja parkoŭka.
Praduktovaja krama abrana nie samaja čakanaja — «Dyjanis». Heta połackaja sietka kram — i ŭ bolšaści svajoj kramy raźmieščanyja ŭ Viciebskaj vobłaści — Połacku, Navapołacku, Hłybokim, Viciebsku. Z časam «Dyjanis» staŭ raści — kramy źjavilisia ŭ Hrodnie, Breście i Homieli. U Minsk «Dyjanis» pryjšoŭ u 2018 hodzie. Krama ŭ HC «4 siezony» stała vośmaj u horadzie.
Nielha skazać, što adkryćcio handlovaha centra hučna anansavali ŭ internecie. Ale voś šylda na dźviarach pra toje, što zapracavać HC «4 siezony» pavinien a 14.00 16 śniežnia, źjaviłasia. I hetaha było dastatkova, kab žychary rajona ŭ abied pracoŭnaha dnia sabralisia tut.
Za paŭhadziny da adkryćcia pad dźviaryma stajali niekalki dziasiatkaŭ čałaviek. Paźniej, kali navat prykinuć vielmi pryblizna, minčukoŭ było dakładna nie mienš za sotniu: niechta čakaŭ kala dźviarej, niechta na prystupkach kala HC, dzieci byli na dziciačaj placoŭcy. Kali dźviery adčynili, kab zajšli ŭsie achvotnyja, spatrebiłasia niekalki chvilin.
Pakul što arandataraŭ u HC niašmat, a na fasadzie visiać abjavy pra dastupnyja płoščy. Ciapier užo pracujuć zaakrama, kavapunkt, paru vyspačak z vypiečkaj, punkt vydačy Wildberries, asnoŭny arandatar — supiermarkiet «Dyjanis». Siońnia tam abiacajuć źnižki i aktyŭnaści ŭ honar adkryćcia.
Dla tych, chto płanuje schadzić u «Dyjanis» siońnia — ludziej ciapier tam vielmi šmat. I choć pracujuć usie kasy (i zvyčajnyja, i kasy samaabsłuhoŭvańnia), pastajać u čerhach daviadziecca. U kramie jość sałata-bar, sušy-bar, svaja kulinaryja, staić kava-aŭtamat. Ceny standartnyja. Možna aformić dyskontnuju kartu. U honar adkryćcia pracuje punkt z akvahrymam dla dziaciej.
Krama pracuje štodnia z 8.00 da 23.00.
Ciapier čytajuć
Syn Siarhieja Bulby źbiraje hrošy ŭ Polščy, prydumaŭšy sabie bijahrafiju vieterana i palityčnaha ŭciekača49
Kamientary