«Jak niekali vajary baranili Ajčynu, zaraz daktary vajujuć ź niabačnym voraham — karanavirusam»: archijepiskap Huryj zapisaŭ zvarot da viernikaŭ
Archijepiskap Navahrudski i Słonimski Huryj, namieśnik Žyrovickaj abicieli, paśla vypiski z balnicy zapisaŭ videazvarot da viernikaŭ. U im jon padziakavaŭ miedykam za prafiesijny podźvih, a prychadžan — za padtrymku padčas pandemii karanavirusa, piša «Bresckaja hazieta».
«Dziakuju ŭsim, chto maliŭsia aba mnie hrešnym i bracii śviatoha manastyra Žyrovickaha, i studentach, i vykładčykach Minskaj duchoŭnaj sieminaryi. Dziakuju za dapamohu, jakuju vy akazvajecie padčas karancinu», — skazaŭ uładyka Huryj.
Jon taksama vykazaŭ asablivuju padziaku miedykam, jakija znachodziacca na pieradavoj u baraćbie z pandemijaj.
«Jak niekali vajary abaraniali Ajčynu, tak i jany vajujuć ź niabačnym voraham — karanavirusam. Jany siońnia na pieradavoj, carkva molicca ab tym, kab Boh zachavaŭ ich i daŭ im zdaroŭje», — skazaŭ archimandryt.
Pra toje, što Huryj špitalizavany paśla vielikodnaj słužby, stała viadoma 20 krasavika. Praz dva dni ŭ balnicu z manastyra i Minskaj sieminaryi ŭ Žyrovičach zabrali 41 čałavieka, ź ich 23 pacyjenty — sieminarysty. Usiaho ŭ manastyry žyvuć 33 manachi, a ŭ sieminaryi, pa infarmacyi miascovych, navučajucca 84 čałavieki. Sieminaryju i abiciel zakryli na karancin. Pakul nieviadoma, ci projduć u Žyrovičach jubilejnyja ŭračystaści, zapłanavanyja na 18-20 maja.
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»24
Kamientary