Adpaviedny zvarot kiraŭnik «Biełhazprambanka» źmiaściŭ u svaim fejsbuku.
«Nikoli nie dumaŭ, što budu pisać taki tekst i spadziavaŭsia, što zastavacca na pazicyjach ekanamičnaha analityka i nie zajmacca palitykaj mnie ŭdasca da nastupu novych časoŭ u našaj krainie. Ale «nikoli nie kažy nikoli»!:(
Takim čynam, ja budu vyłučać svaju kandydaturu na vybarach 9 žniŭnia.
«Ja nie naiŭny čałaviek i vydatna razumieju tyja miežavyja ŭmovy i praviły hulni, jakija sfarmavany na hetym poli ŭ Biełarusi, a samaje hałoŭnaje — finalnuju častku hetaj «dziei», jakaja była sfarmulavanaja jašče ŭ epochu Stalina: niavažna, jak hałasujuć, važna, jak ličym.
Adnak, viedajučy ŭsio heta, ja vieru ŭ abmiežavanaść luboj nieefiektyŭnaj sistemy, u mahčymaści, jakija pradastaŭlajuć novyja instrumienty na bazie sučasnych technałohij, a samaje hałoŭnaje, ja vielmi bajusia, što heta apošni šaniec choć niejkich vybaraŭ u niezaležnaj Biełarusi. I ja paličyŭ dla siabie niedapuščalnym i saramatnym škadavać pra toje, što nie pasprabavaŭ niešta źmianić, apraŭdvajučy siabie tym, što źmianić nielha ničoha.
«Kali možna sumlenna apisać tuju situacyju, u jakoj my znachodzimsia, kali vierny analiz, čamu my dajšli da hetaj kropki, kali možna prapanavać varyjant vyrašeńnia prablemy, dyk treba i pryniać adkaznaść za realizacyju hetaha varyjantu», — dadaje Babaryka.
***
Viktar Babaryka
Naradziŭsia ŭ 1963 hodzie ŭ Minsku. Skončyŭ BDU (1988) i Akademiju kiravańnia (1995). U bankaŭskaj sistemie pracuje ź lipienia 1995 hoda. Staršynioj praŭleńnia «Biełhazprambanka» pryznačany ŭ lipieni 2000 hoda.
Kamientary