Biełaruskija ŭdzielniki Forumu Astrožskich u Kijevie praviali noč u bambaschoviščach z-za masiravanaha abstrełu
«Brutalnaja ataka», — koratka acharaktaryzavaŭ situacyju «Pozirku» adzin z udzielnikaŭ imprezy, hałoŭny daradca Śviatłany Cichanoŭskaj Franak Viačorka.
Jon unačy musiŭ chavacca ŭ bambaschoviščy hatelu ŭ centry Kijeva.
Pavodle ŭkrainskich ŚMI, horad atakavali šmatlikija drony, zafiksavanyja puski rakiet. Paškodžanyja žyłyja damy, paciarpieli ludzi. Asnoŭnaj metaj atak nazyvajucca abjekty enierhietyčnaj śfiery.
Druhi (palityčny) etap IV ukrainska-biełaruskaha Forumu Astrožskich projdzie 14 i 15 listapada. Pieršy (ekśpiertny) adbyŭsia ŭ Lvovie 11 i 12 listapada, tam było spakojna.
U vyniku prylotu bieśpiłotnikaŭ na Kijeŭ zahinuli try čałavieki, paviedamiŭ mer horada Vital Kličkr. Pavodle jaho słoŭ, kolkaść achviar moža źmianicca, bo pad zavałami mohuć zastavacca ludzi. Paciarpieli 25 čałaviek, ź ich 9 špitalizavanyja.
Ad abłomkaŭ BPŁA paškodžany žyłyja damy ŭ mnohich rajonach stalicy Ukrainy. U DSNS Ukrainy dadali, što paśla padzieńnia frahmientaŭ bieśpiłotnika ŭ domie ŭ Abałonskim rajonie pačaŭsia pažar u kvaterach z 7 pa 9 pavierchi ahulnaj płoščaj 100 kv. m. Jaho ŭžo pahasili.
Ciapier čytajuć
Polšča adkryvaje dva pierachody na miažy ź Biełaruśsiu, ale pakul ź vialikimi abmiežavańniami15
Kamientary
Hieraizm heta ŭziać zbroju ŭ ruki i pajści vajavać suprać akupantaŭ. Na što Franak vidavočna nie zdolny. Ni vajavać, ni chacia b niejak padtrymlivać tych, chto vajuje (padnosić snarady, ramantavać techniku, vazić na aŭto bajcoŭ i vajennych miedykaŭ i hetak dalej)
4-y Forum imia Astrožskich. https://freebelaruscenter.org/?page_id=2846
Forum pracuje pa praviłam Chatham House.
Vystupoŭcy:
Vitalij Rymašeŭski
Pavieł Barkoŭski
Pavieł Łatuška
Anatol Labiedźka
Uładzimir Žyhar
Franak Viačorka
i inšyja čalcy ofisa, kabinieta Cichanoŭskaj.