Krainy Bałtyi pieršymi ŭ ES adnaŭlajuć biaźvizavyja pajezdki dla svajho nasielnictva, pierarvanyja 17 sakavika z-za pašyreńnia karanavirusa. Adpaviedny dakumient kiraŭnika MZS Łatvii, Litvy i Estonii padpišuć 15 maja ŭ Ryzie, piša tass.ru.
Pahadnieńnie praduhledžvaje, što z 15 maja pa krainach Bałtyi zmohuć biez abmiežavańniaŭ pieramiaščacca žychary hetych krain i asoby, jakija majuć prava na znachodžańnie ŭ ich, kali jany apošnija 14 dzion nie znachodzilisia pa-za miežami Bałtyi, im nie pryznačanaja samaizalacyja ŭ suviazi z zaražeńniem abo statusam kantaktnaj asoby infikavanaha, a taksama jany nie majuć prykmiet zachvorvańnia dychalnych šlachoŭ.
Hramadzianam Łatvii i Estonii pry ŭjeździe na terytoryju Litvy treba budzie prajści pamiežny kantrol, pakazaŭšy paśviedčańnie asoby.
Akramia pamiežnikaŭ na kantrolnych punktach Litvy buduć dziažuryć miedyki. Jany buduć źbirać i apracoŭvać ankiety, jakija treba budzie zapoŭnić padarožnikam, i aceńvać stan ich zdaroŭja.
Jak adznačyŭ kiraŭnik MZS Estonii Urmas Rejnsału, krainy Bałtyi chacieli b dałučyć da biaźvizavaha režymu Finlandyju. Hetaje pytańnie kiraŭnika MZS mohuć abmierkavać na sustrečy ŭ Ryzie.
Na 14 maja, u krainach Bałtyi vyjaŭleny ahułam 4231 vypadak zaražeńnia karonavirusam. U Łatvii paćvierdžana 962 vypadki zachvorvańnia, pamierli 19 čałaviek, u Litvie — 1511 chvory i 54 pamierłych, u Estonii — 1758 i 62 adpaviedna.
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary