Rakiety, jakija zaraz znachodziacca na ŭzbrajeńni ŭ Biełarusi, majuć dalokaść paražeńnia dźvieście kiłamietraŭ. U krainie asvojena zborka kitajskich rakiet — «trochsotak», ale pastaŭlena zadača raspracavać ułasnaje ŭzbrajeńnie takoha kštałtu, piša Źviazda.
Pakul terminy pa stvareńni hetych rakiet nie vytrymlivajucca. Raspracoŭščyki zapeŭnili kiraŭnika dziaržavy, što da vieraśnia pavinien źjavicca pieršy vopytny ŭzor. Dla vyprabavańnia hetaj rakiety razhladajucca palihony ŭ Kitai, Rasii, Kazachstanie, Uźbiekistanie, Saudaŭskaj Aravii.
«Nie treba pierad rasijanami stanavicca na kaleni. Heta sihnał: kali naš najbližejšy sajuźnik mała taho što nie zhadziŭsia z nami rakietu hetu zrabić — palihon nie pradastaŭlaje, słuchajcie, heta pytańnie», — adznačyŭ kiraŭnik krainy.
Alaksandr Łukašenka vykazaŭ hatoŭnaść na ŭzroŭni lidaraŭ krain damovicca, naprykład, z Kitajskaj Narodnaj Respublikaj na praviadzieńnie vyprabavańniaŭ.
«Nam patrebnaja svaja rakieta. My nie možam stvarać zbroju, pa jakoj my budziem zaležać ad inšych krain. Kali nam Rasija vykačvaje nieprymalnyja ŭmovy, ujavicie siabie, jak buduć vieści siabie inšyja dziaržavy. Nichto hetu zbroju prosta tak nie daść. Heta nam jašče pašancavała damovicca z kitajcami. Im treba pakłanicca za heta. Ale dalej zaležnaści hetaj być nie pavinna», — abaznačyŭ zadaču Łukašenka.
Ciapier čytajuć
Maŭrykij, Siejšeły, Šry-Łanka i nie tolki: pahladzieli, kudy źbiehli ad biełaruskich marazoŭ praŭładnyja artysty i viadučyja15
Kamientary