Pastaŭki hazu pa trubapravodzie «Jamał — Jeŭropa», pa jakim haz z Rasii praź Biełaruś i Polšču idzie ŭ Hiermaniju, źnizilisia ŭ paniadziełak praktyčna da nula. Pra heta śviedčać danyja apierataraŭ jeŭrapiejskich hazapravodaŭ, piša tass.ru.
Pavodle źviestak kampanii Gascade, pastaŭki hazu ŭ punkcie Malnoŭ na polska-niamieckaj miažy ŭ vychadnyja pačali pastupova źnižacca i da ranicy paniadziełka dasiahnuli ŭzroŭniu 461,468 kVt/h, što ŭ 105 razoŭ mienš za abjom naminacyi. Pry hetym z pačatku miesiaca abjom pastavak varjiravaŭsia pryblizna ad 17-32 młn kVt/h.
Termin dziejańnia doŭhaterminovaha rasijska-polskaha pahadnieńnia ab tranzicie hazu z Rasii na zachad pa polskim učastku hazapravoda «Jamał — Jeŭropa» skončyŭsia 17 maja. Ciapier pastaŭki ažyćciaŭlajucca na asnovie aŭkcyjonaŭ, jakija pravodziacca apierataram hazatranspartnaj sietki Polščy — kampanijaj Gaz System. U piatnicu na aŭkcyjonie z pastaŭkaj na praciahu dnia było nabyta 28,5 młn kVt/h z dastupnych bolš čym 38 młn kVt/h. U subotu ŭžo ŭdvaja mienš — 12,5 młn.
23 maja na aŭkcyjonie było pradadziena tolki 4 młn kVt/h na prapampoŭku hazu ŭ niadzielu. 24 maja naohuł nie było zareziervavana nijakich mahutnaściaŭ. Tolki ŭ noč na paniadziełak na aŭkcyjonie było zareziervavana 4 młn kVt/h na bližejšyja tak zvanyja hazavyja sutki, jakija pačynajucca ŭ 06:00 ranicy i skančajucca roŭna praz 24 hadziny — u 06:00 ranicy nastupnaha dnia.
Ekśpierty pradkazvajuć chutki sychod cenaŭ na hazavyja fjučarsy «ŭ minus», jak heta było z naftaj niekatory čas tamu. Nahadajem, Biełaruś nabyvaje rasijski haz, zhodna z raniejšymi damoŭlenaściami, pa 127 dalaraŭ za kubamietr.
-
«Zaličanaja pa niestandartnaj pracedury». Stała viadoma, jak ščodra padmazvaŭ Epštejn univiersitet, u jakim vučyłasia Karyna Šulak
-
Rubia ŭ apošni momant admianiŭ sustreču ź lidarami Jeŭropy ab pytańni Ukrainy
-
Studzień 2026 hoda ŭvajšoŭ u piaciorku samych ciopłych pieršych miesiacaŭ hoda ŭ śviecie. Jak heta ni dziŭna dla biełarusaŭ
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami9
Kamientary