Za ŭdzieł u akcyi padtrymki Siarhieja Cichanoŭskaha aštrafavali adnu ź lidarak «Maci 328»
5 červienia sud u Homli prysudziŭ štraf adnoj ź liderak ruchu «Maci 328» Tacianie Kanieŭskaj za «aktyŭny ŭdzieł u niesankcyjanavanaj akcyi». Majecca na ŭvazie akcyja padtrymki Siarhieja Cichanoŭskaha, jakaja prajšła 7 traŭnia ŭ Homli, piša Svaboda.
Taciana Kanieŭskaja nie admaŭlała, što 7 traŭnia była na płoščy Lenina.
«Ja pryjechała, bo daŭno znajomaja ź Cichanoŭskim. Ja ŭbačyła rolik, jak jaho zatrymlivali niezrazumiełyja ludzi. Dla mianie było vielmi dziŭna, i mnie chaciełasia daviedacca: chto jaho zatrymlivaŭ, za što. Tamu ja išła na «nulavy kilametar», kab dać kamentar žurnalistam i daviedacca — što ź Cichanoŭskim», — skazała na sudzie žycharka Homla.
«Moj syn byŭ suprać taho, kab ja zajmałasia palitykaj. Hadami ja nie mahła jaho pierakanać, što syn pavinien być pobač z maci. I vam heta ŭdałosia za adzin sud — kali vy jaho taksama sudzili za hetuju akcyju, dziakuj vam», — dadała Kanieŭskaja.
Sud pakaraŭ jaje štrafam u pamiery 12 bazavych vieličyń (324 rubli).
Za akcyju 7 traŭnia ŭžo pakaranyja 10 žycharoŭ Homla i Žłobina. Troje atrymali pa 15 sutak — Jury Ŭłasaŭ, Vital Hryckoŭ i Dźmitry Łukomski. Juryju Ŭłasavu za inšuju akcyju dali jašče «dadatkovyja» 15 sutak.
Z astatnich spahnali sumarna 1998 rubloŭ.
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»32
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary