Kanapackaja: Ja mieła na ŭvazie nie schilnaść da piedafilii Babaryki, a naiŭnaść biełarusaŭ
Pretendentka na pasadu prezidenta Hanna Kanapackaja praciahvaje mačyć Viktara Babaryku, nie nazyvajučy jaho imia. Jana pierapoščvaje ŭ svaim fejsbuku dopisy z prarasijskich telehram-kanałaŭ i supravadžaje svaimi kamientarami.
«Pa kolkaści dyzłajkaŭ i admoŭnych kamientaŭ na majoj staroncy ŭ fejsbuku možna dakładna vyznačyć vieličyniu hrupy padtrymki «čałavieka Milera» (Babaryki — «NN»), jaki nie ad vialikaha rozumu naskočyŭ na svajho byłoha haspadara i «siabra Pucina» (Alaksandra Łukašenku — «NN») pa sumiaščalnictvie. Razam nie šmat, usiaho kala 80 čałaviek. Na ŭsiu našu niezaležnuju Biełaruś. Choć i navalilisia hurtam», — napisała Kanapackaja.
Zaadno jana patłumačyła svaje słovy pra Viktara Babaryku. Nahadajem, raniej eks-deputatku paraŭnała jaho ź piedafiłam, jakomu nielha pracavać u dziciačym sadzie.
«Ja mieła na ŭvazie biaskoncuju naiŭnaść i davierlivaść biełarusaŭ, a nie schilnaść da seksualnych vyčvareńniaŭ adnaho z kandydataŭ u kandydaty», — udakładniła Kanapackaja.
Čytajcie taksama. Kanapackaja raskazvaje pra palityku, zarobki i status seks-simvała apazicyi. Hutarka Ułada Šviadoviča
Ciapier čytajuć
Łukašenka raskazaŭ pra zabojstva apazicyjaniera, jakoje nibyta adbyłosia try dni tamu9
Kamientary