U Rasii sioleta vydali na vajnu na 20% bolš hrošaj, čym było zapłanavana
Vajskovyja vydatki rasijskaha biudžetu ŭ 2025 hodzie amal na 20% pieravysiać pieršapačatkova zapłanavany ŭzrovień. Pra heta paviedamiŭ ministr abarony RF Andrej Biełavusaŭ padčas pasiadžeńnia kalehii viedamstva, piša The Moscow Times.
Sa słoŭ Biełavusava, ahulnyja vydatki Ministerstva abarony dasiahnuć 7,3% vałavaha ŭnutranaha praduktu, što składaje kala 15,9 tryljona rasijskich rubloŭ (amal 197 miljardaŭ dalaraŭ). Heta na 2,4 tryljona rubloŭ (kala 29 miljardaŭ) bolš, čym było praduhledžana ŭ biudžecie na 2025 hod (6,2% VUP, ci 13,5 tryljona rubloŭ (kala 162 miljardaŭ dalaraŭ).
U paraŭnańni z 2024 hodam vajskovy biudžet vyras amal u paŭtara raza, a kali paraŭnoŭvać z 2021 hodam — pavialičyŭsia ŭ 4,5 razy.
Vydatki, jakija niepasredna źviazanyja z vajnoj va Ukrainie, składuć 5,1% VUP, ci kala 11,1 tryljona rubloŭ (kala 133,2 miljarda dalaraŭ). U siarednim heta prykładna 213 miljardaŭ rubloŭ (2,56 miljarda dalaraŭ) na tydzień — suma, supastaŭnaja z hadavym biudžetam bujnych rasijskich rehijonaŭ. Hetyja ličby Biełavusaŭ ahučyŭ u prysutnaści prezidenta Rasii Uładzimira Pucina.
Razam z tym ministr adznačyŭ, što vajskovyja vydatki, nie źviazanyja z bajavymi dziejańniami, u vyniku skaračeńniaŭ i pieranosu častki prahram byli źnižanyja z 2,7% VUP u 2024 hodzie da 2,2% u 2025-m. A voś častka biudžetu, jakaja tyčycca «śpiecyjalnaj vajennaj apieracyi», istotna pavialičyłasia.
Na 2026 hod rasijskija ŭłady płanujuć vydać «na abaronu» 12,93 tryljona rubloŭ (155,16 miljarda dalaraŭ), što składzie kala 5,5% prahnazavanaha VUP. Kali ž uličyć taksama vydatki na nacyjanalnuju biaśpieku, to ahulnyja vydatki na vojska, palicyju i śpiecsłužby dasiahnuć 16,84 tryljona rubloŭ (kala 202 miljardaŭ dalaraŭ) — heta kala 38% usich biudžetnych vydatkaŭ krainy.
Mierc paraŭnaŭ Pucina z Hitleram, pravioŭ paraleli z 1938 hodam i skazaŭ, što budzie rabić Jeŭropa
Rute: My nastupnaja cel Rasii, i my pavinny być hatovyja da vajny maštabaŭ toj, jakuju pieražyli našy babuli i dziaduli
Rute ź ironijaj prakamientavaŭ hroznyja zajavy Pucina
Pierad sustrečaj z Uitkafam i Kušnieram Pucin zajaviŭ, što hatovy da vajny ź Jeŭropaj
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2020
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ20
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał44
Kamientary
tak, usio jak ŭ 80ch, kali Pry košcie “čornaha zołata” ŭ 15–23 dalary za barel impierskaja ekanomika esesera abrynułasia, i balšavickaja impieryja sama razvaliłasia.
"Adna z najbahaciejšych siemjaŭ Saudaŭskaj Aravii choča nabyć zamiežnyja aktyvy «Łukojła»"
-NN