Pasoł ES u Biełarusi vykazaŭ zaniepakojenaść atakami na Babaryku i pahrozami na adras Cichanoŭskaj
Ciapier, kali Biełaruś uvachodzić u kampaniju pa vybarach prezidenta, asabliva važna, kab asnoŭnyja pravy i svabody byli całkam vykananyja. Takoje mierkavańnie ŭ kamientary Tut.by vykazaŭ pasoł ES u Biełarusi Dyrk Šubiel.
«My zaniepakojenyja niadaŭnimi dziejańniami, raspačatymi suprać Viktara Babaryki, i zaklikajem da poŭnaha vykanańnia zakonnaści. Spadziajusia taksama, što pravaachoŭnyja orhany rasśledujuć ananimnyja telefonnyja pahrozy, jakija pastupili na adras patencyjnaj kandydatki Śviatłany Cichanoŭskaj, i pryciahnuć vinavatych da adkaznaści», — adznačyŭ dypłamat.
Jon dadaŭ, što zaniepakojeny i paviedamleńniami pra vypadki žorstkaha abychodžańnia z boku sił pravaparadku, a taksama pra drennyja ŭmovy ŭtrymańnia asobaŭ, aryštavanych za ŭdzieł u mirnych akcyjach pratestu, što prajšli z 6 maja pa 10 červienia.
Šubiel zaklikaŭ ułady Biełarusi nieadkładna vyzvalić usich zatrymanych aktyvistaŭ i vykonvać mižnarodnyja abaviazki zhodna z Kanviencyjaj AAN suprać katavańniaŭ, udzielnikam jakoj źjaŭlajecca Biełaruś.
«Takija kroki buduć spryjać demakratyčnamu raźvićciu Biełarusi i ŭmacavańniu jaje suvierenitetu i niezaležnaści. Jak adznačałasia ŭ sumiesnaj zajavie ES, Brytanii i ZŠA, toje, jak projduć hetyja vybary, budzie mieć klučavoje značeńnie dla dalejšaha raźvićcia šmatbakovych adnosinaŭ ź Biełaruśsiu», — padsumavaŭ Dyrk Šubiel.
Ciapier čytajuć
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza8
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary