Deputat Varaniecki: Vybary pavinny być sumlennyja, biez hvałtu da palityčnych apanientaŭ i ich prychilnikaŭ
Dypłamat, deputat Pałaty pradstaŭnikoŭ Valeryj Varaniecki vykazaŭsia ŭ kamientary dla «Našaj Nivy» ab palityčnym kryzisie ŭ Biełarusi.
«Jak i luby hramadzianin, jakomu nieabyjakavy los svajoj krainy i naroda, sychodžu z taho, što vybary pavinny być sumlennymi, spraviadlivymi, svabodnymi i vyklučać movu varožaści, nianaviść, hvałt da palityčnych apanientaŭ i ich prychilnikaŭ.
Pieradusim tamu, što tolki sapraŭdnyja vybary dazvalajuć kansalidavać uładu i hramadstva.
A dla nas, dla losu našaj krainy heta jak nikoli nadzvyčaj važna!
Adzinaj krynicaj ułady ŭ krainie źjaŭlajecca biełaruski narod. I tamu tolki jamu vyrašać, jakim być našamu biełaruskamu Domu, pa jakich zakonach žyć u im i jakija adnosiny vybudoŭvać sa svaimi susiedziami.
My, biełarusy, — mocny, mudry i dobrazyčlivy narod, jaki zaŭsiody z honaram i hodnaściu vychodziŭ ź lubych vyprabavańniaŭ, što vypadali na našu dolu. Tak było i tak pavinna być. Davajcie sychodzić z hetaha».
Kamientary