U Polščy prachodziać vybary prezidenta, adkładzienyja praz karanavirus
Vybarčyja ŭčastki adkrylisia a 7 ranicy. Palaki abirajuć kiraŭnika dziaržavy ź liku 11 pretendentaŭ, uklučajučy ciapierašniaha prezidenta Andžeja Dudu, paviedamlaje «Polskaje radyjo».
Siarod jaho supiernikaŭ na pasadu prezidenta — mer Varšavy Rafał Tšaskoŭski, viadomy žurnalist Šymon Hałoŭnia, pravy palityk Kšyštaf Bosak, levy Robiert Biedrań i lidar Sialanskaj partyi Uładzisłaŭ Kasiniak-Kamyš.
Piać inšych kandydataŭ — pradprymalnik, jaki niadaŭna staŭ palitykam, Marek Jakubiak, akademik Mirasłaŭ Pijatroŭski, biznesoviec Pavieł Tanajna, palityk i hramadski dziejač Valdemar Vitkoŭski i samazaniaty Stanisłaŭ Žuŭtek.
Pavodle novaŭviadzieńniaŭ u polskaje zakanadaŭstva, vyklikanych epidemijaj karanavirusa Sars-Cov-2, sioleta prezidenckija vybary ŭ Polščy prachodziać pa źmiašanaj sistemie — pa pošcie i tradycyjnaje hałasavańnie na ŭčastku.
Aficyjnyja vyniki hałasavańnia, jak čakajecca, buduć abvieščanyja na praciahu najbližejšych niekalkich dzion.
Kali nivodzin z kandydataŭ nie nabiare bolš za 50% hałasoŭ, to druhi tur vybaraŭ adbudziecca praz dva tydni, 12 lipienia.
Vybary prezidenta Polščy pieršapačatkova płanavalisia 10 maja, ale nie adbylisia praz epidemiju.
-
«Pa-tavarysku zaklikajem biełaruskich siabroŭ». U MZS Rasii papiaredzili Łukašenku pilnavać rasijskija intaresy ŭ adnosinach z ZŠA
-
U Hiermanii adbyłosia hrandyjoznaje rabavańnie banka na miljony jeŭra, jakoha nichto nie zaŭvažyŭ
-
Ministr zdaroŭja ZŠA: Ja nie bajusia bakteryj, adnojčy ja niuchaŭ kakain ź siadzieńnia ŭnitaza
Ciapier čytajuć
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT12
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1717
Kamientary