Z 1 lipienia ŭstupajuć u siłu źmieny ŭ zakon ab pravavym stanoviščy zamiežnych hramadzian i asob biez hramadzianstva. Zhodna z abnoŭlenym zakonam, ludzi, što prybyli ŭ Biełaruś na termin da dziesiaci sutak, vyzvalajucca ad abaviazku rehistracyi ŭ orhanach unutranych spraŭ abo MZS, paviedamili BIEŁTA ŭ MUS.
U Departamiencie pa hramadzianstvie i mihracyi MUS paviedamili, što źmieny ŭ zakonie nakiravanyja na pavyšeńnie turystyčnaj i inviestycyjnaj pryvabnaści. «Tak, z 1 lipienia vyzvalajucca ad abaviazku rehistracyi ŭ orhanach unutranych spraŭ abo MZS zamiežniki, jakija prybyli ŭ Biełaruś na termin da dziesiaci sutak. To-bok, kali zamiežnik prybyŭ u našu krainu i pasialiŭsia pa pryvatnym adrasie na termin, jaki nie pieravyšaje 10 dzion, jon nie padlahaje rehistracyi jak časova žyvučy. Ciapier hety termin składaje piać dzion — akramia rasijanaŭ i hramadzian niekatorych inšych krain-susiedziaŭ, jakija zaklučyli mižuradavyja pahadnieńni ź Biełaruśsiu ab bolš praciahłym znachodžańni biez rehistracyi», — raspaviali ŭ MUS.
Haścinicy, sanatorna-kurortnyja i azdaraŭlenčyja arhanizacyi, a taksama subjekty ahraekaturyzmu nie buduć zajmacca rehistracyjaj takich zamiežnikaŭ. Ciapier hetyja abjekty stanuć naŭprost infarmavać orhany ŭnutranych spraŭ — z dapamohaj partała elektronnych pasłuh albo inšym sposabam.
Kamientary