CVK patłumačyła niesupadzieńnie kolkaści zdadzienych i pravieranych podpisaŭ za Kanapackuju, Čeračnia i Dźmitryjeva
CVK apublikavała kančatkovyja źviestki ab pravieranych podpisach, sabranych za vyłučeńnie kandydataŭ u prezidenty. Ličby nie syšlisia ŭ traich pretendentaŭ: Kanapackaj, Čeračnia i Dźmitryjeva. Miarkujučy pa źviestkach CVK, paśla pravierki ŭ traich pretendentaŭ akazałasia podpisaŭ bolš, čym jany zdali ŭ kamisii. Tut.by paprasiŭ CVK rastłumačyć, jak takoje mahło zdarycca.
U CVK kažuć, što takoha być nie moža i što heta značyć, što pretendenty ŭ prezidenty zdali bolš podpisaŭ, čym nazvali žurnalistam.
— Da tych ličbaŭ, jakija nazyvali žurnalistam Kanapackaja, Čeračań i Dźmitryjeŭ, Centralnaja kamisija nie maje dačynieńnia. Heta kazali pretendenty na etapie zboru podpisaŭ, całkam mahčyma, što jany podpisy jašče zdavali dadatkova. Tyja ličby, jakija paznačany na sajcie CVK, atrymany paśla pravierki. Toje, što zajaŭlali pretendenty — tut treba hladzieć datu, kali jany heta kazali, — skazaŭ namieśnik zahadčyka adździeła pravavoj, analityčnaj i mietadyčnaj raboty CVK Ivan Toŭkač.
— Hanna Kanapackaja ŭčora, addajučy dakumienty ŭ CVK, skazała Tut.by, što zdała 110 tysiač podpisaŭ.
— Nu, tut treba pytacca ŭ Hanny Anatoljeŭny, — adznačyŭ Toŭkač.
Kolki nasamreč pretendenty zdali ŭ kamisii podpisaŭ, u CVK buduć viedać paśla atrymańnia pratakołaŭ z terytaryjalnych kamisij — na nastupnym tydni.
Kamientary