Žychar Homiela damohsia, kab pryčynaj śmierci baćki napisali pnieŭmaniju i karanavirus, a nie ankałohiju
Jaŭhien Jakavienka
Žychar Homiela Jaŭhien Jakavienka 23 maja straciŭ baćku. 68-hadovy žychar abłasnoha centra zaraziŭsia COVID-19 u ankałahičnym špitali. Praź miesiac jahony syn dabiŭsia, kab karanavirus zafiksavali jak asnoŭnuju pryčynu śmierci, piša «Radyjo Svaboda».
«Jaho try tydni lačyli ad karanavirusa ŭ roznych špitalach. Ale pryčynaj śmierci napisali ankałohiju. Ja nie pahadziŭsia z hetym», — skazaŭ Jaŭhien. Jon upeŭnieny: kab nie karanavirus — baćka byŭ by žyvy.
«Navošta mnie było namahacca? Chaciełasia spraviadlivaści»
Jaŭhien Jakavienka-małodšy dabiŭsia ŭskryćcia i taho, kab daviedka ab śmierci stała papiaredniaj, a nie kančatkovaj. Miesiac Jaŭhien čakaŭ vynikaŭ dadatkovych analizaŭ, jakija rabili ŭ Minsku.
30 červienia jon atrymaŭ novuju, kančatkovuju daviedku ab śmierci baćki. Tam napisana ŭžo nie «ŭtvareńnie ŭ lohkich», to-bok ankałohija, a «sindrom reśpiratornaha razładu», «virusnaja pnieŭmanija», «karanavirus».
«Navošta mnie było namahacca? Chaciełasia spraviadlivaści. I raz tatku nie ŭdałosia ŭratavać, to treba chacia b pryznać, što jon pamior ad karanavirusa — kab papiaredzić inšych ludziej, što ŭsio surjozna i heta vielmi strašnaja chvaroba», — kaža Jaŭhien.
U jaho zastałasia mocnaja kryŭda, kali na ŭsich etapach lačeńnia baćki byŭ brak infarmacyi, daktary nie chacieli kazać, što adbyvajecca.
«Składajecca ŭražańnie, što vakoł karanavirusa stvarajuć takuju admysłovuju zaviesu, kab ludzi nie bajalisia naležnym čynam, nie zaścierahalisia», — ličyć Jaŭhien.
Kali čałaviek pamior ad karanavirusa i pnieŭmanii, a jamu pišuć, što ad ankałohii, to, na dumku Jaŭhiena, heta ździek.
«I sposab prychavać statystyku. A statystyka, ličby ŭ našaj krainie — hałoŭnaja śfiera, pra jakuju pilna dbajuć, prykładajuć namahańni, kab ličby byli «patrebnyja». Ciapier ja viedaju, što 23 maja jak minimum na adnaho čałavieka bolš pamierła ad karanavirusa, čym pa aficyjnaj statystycy. Bo moj tata ŭ tuju statystyku nie trapiŭ — tady. I nie dumaju, što jon adzin», — dadaŭ Jaŭhien.
Jon ličyć, što mnohija ludzi ŭ čas biady — śmierci blizkaha čałavieka prosta «płyvuć za vadoju» — pahadžajucca na lubyja daviedki ab pryčynie śmierci, nie nastojvajuć na ŭskryćci.
«Nie kožny pahodzicca na ŭskryćcio, kab jašče paśla śmierci turbavali blizkaha čałavieka. Ale heta adziny, badaj, sposab dabicca praŭdy.
Mnie dabicca hetaj daviedki kaštavała bieźlič niervaŭ i namahańniaŭ. Kab ja nie prajaŭlaŭ rašučaść, naŭrad ci jano ŭsio b atrymałasia samo saboj — maju na ŭvazie praŭdzivuju daviedku ab pryčynie śmierci taty», — kaža Jaŭhien Jakavienka.
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary