Vialikabrytanija ŭvodzić sankcyi za parušeńnie pravoŭ čałavieka — u śpisie jość i rasiejcy
Kiraŭnik brytanskaha MZS Daminik Raab 6 lipienia abvieścić imiony i proźviščy asob, u pryvatnaści z Rasii i Saudaŭskaj Aravii, jakija trapili pad sankcyi za parušeńnie pravoŭ čałavieka. Pra heta paviedamlaje rbc.ru sa spasyłkaj na Financial Times.
Ministerstva zamiežnych spraŭ admoviłasia raskryć sankcyjny śpis, ale imiony i proźviščy tych, kaho zakranuć abmiežavańni, nazavuć na pasiadžeńni ŭ parłamiencie ŭ paniadziełak. Tudy ŭvojduć ludzi, jakich Vialikabrytanija ličyć datyčnymi da śmierci advakata Siarhieja Mahnickaha.
U śpisie buduć niekalki dziasiatkaŭ čałaviek, tudy, pa słovach Raaba, trapiać «katy, zabojcy i hvałtaŭniki». Hramadzian Saudaŭskaj Arabii Vialikabrytanija źbirajecca pakarać u suviazi z zabojstvam Džamala Chašohdžy ŭ 2018 hodzie.
Sankcyi ŭstupiać u siłu nieadkładna, adznačaje FT. Aktyvy nazvanych Raabam asob u Vialikabrytanii buduć zamarožanyja, im zabaroniać ujezd u krainu. Akramia Rasii i Saudaŭskaj Aravii, pad sankcyi trapić Paŭnočnaja Kareja, tady jak Kitaj abmiežavańni nie zakranuć.
Vialikabrytanija ŭpieršyniu samastojna ŭviadzie sankcyi. Heta stała mahčyma paśla taho, jak dziaržava pakinuła ES u ramkach Brexit.
Kamientary