Pieratrusy ŭ Brasłavie: chtości stvaryŭ akaŭnt «Najlepšy ŭčastkovy» i pačaŭ hłumicca
Milicyja pryjšła da niekalkich brasłaŭskich aktyvistaŭ. Šukajuć, chto ździejśniŭ paklop na ŭčastkovaha milicyjaniera Mikałaja Ivanova.
Adzin ź pieratrusaŭ prajšoŭ doma ŭ 34-hadovaha ramieśnika Kanstancina Daleckaha, jaki žyvie ŭ vioscy Muražy. Raniej jon byŭ administrataram hrupy «Kraina dla žyćcia», ale potym pieradaŭ hetyja paŭnamoctvy čałavieku, jaki žyvie za miažoj Biełarusi.
Naprykancy červienia Daleckaha zatrymali i asudzili na 5 sutak aryštu. Reč u tym, što ŭ telehramie mužčyna napisaŭ paviedamleńnie ŭ duchu «pakul nas nie čapajuć, prosta vychodzim i staim». Troje sutak Dalecki adsiadzieŭ, a potym jaho niečakana adpuścili.
«Dumaju, što vykarystajuć u patrebny im momant», — kaža jon. Kali Dalecki vyjšaŭ na volu, to apisaŭ svaju historyju zatrymańnia ŭ čacie «Brasłaŭ dla žyćcia». U tym liku vykłaŭ fotazdymak učastkovaha milicyjaniera Mikałaja Ivanova, jaki składaŭ na jaho pratakoł.
Zdymak Ivanova staŭ nadzvyčaj papularnym u čacie. Mnohija pačali hulacca ź im, stvarać kałažy. A adzin z karystalnikaŭ čata navat stvaryŭ akaŭnt «Najlepšy ŭčastkovy», pastaviŭ na avatarku fotku Ivanova i staŭ pisać ad jaho imia samyja niezvyčajnyja historyi.
Možna mierkavać, što samomu milicyjanieru heta nie spadabałasia. U vyniku raspačali administracyjny praces za paklop. Mienavita ŭ jaho ramkach ranicaj 8 lipienia supracoŭniki milicyi pryjšli da Daleckaha.
«Byŭ učastkovy Raścisłaŭ Macuk, jašče adzin učastkovy, dvoje paniatych, a taksama dvoje hramadzian u cyvilnym ź Viciebska. Dumaju, heta byli hebisty. Jany ŭvieś čas kansultavali milicyjanieraŭ, ale sami na lubyja pytańni admaŭlalisia adkazvać», — raskazvaje spadar Dalecki.
U vyniku ŭ ramieśnika kanfiskavali dva telefony, a taksama kampjutar. Pa jahonych słovach, taksama vobšuk prajšoŭ na pracy i doma jašče ŭ dvuch brasłaŭskich aktyvistaŭ. Jany braty, taksama ŭdzielničajuć u čacie «Brasłaŭ dla žyćcia».
Usie jany admaŭlajuć dačynieńnie da akaŭnta «Najlepšy ŭčastkovy».
Ciapier čytajuć
Minsk u sieradu viečaram pahruziŭsia ŭ ciemru. Paśla zahadu Łukašenki51
Minsk u sieradu viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary