Śpiavak Alaksandr Saładucha raspavioŭ pra žyćcio ŭ Biełarusi. Pavodle jaho słoŭ, svoj vybar jon robić na karyść mirnaj i niezaležnaj rodnaj krainy, paviedamlaje BiełTA.
— Ja šmat razoŭ kazaŭ: ja dakazvaju pierš za ŭsio samomu sabie, usim svaim kaleham i ŭsiamu biełaruskamu narodu, što ŭ našaj krainie možna žyć, pracavać, dobra zarablać, atrymlivać asałodu ad žyćcia, hadavać dziaciej, unukaŭ, — zajaviŭ artyst.
Śpiavak adznačyŭ, što svoj vybar jon robić na karyść mirnaj i niezaležnaj Biełarusi. Jon niehatyŭna stavicca da «sprob štučnaha nahniatańnia situacyi ŭ krainie».
— Ja syn vajennaha i pa zvańni lejtenant miedycynskaj słužby zapasu. Mianie tak baćka vychavaŭ, što ŭsio pavinna być dakładna, dyscyplinavana, achajna, svoječasova, — skazaŭ Saładucha. — Ja budu hałasavać za mirnaje nieba nad hałavoj dla nas, našych dziaciej, unukaŭ, za paradak, za dyscyplinu, za poŭnyja palicy ŭ kramach, za našu miedycynu, za adukacyju.
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna8
Kamientary