«Idyjatyčny nonsens»: Paźniak prakamientavaŭ abjadnańnie štaboŭ Babaryki, Cichanoŭskaj i Capkały
I jon, jak i Łukašenka, uparta nie nazyvaje Babaryku pa proźviščy.

Adpaviedny dopis jon źmiaściŭ u svaim fejsbuku.
«Tyja, chto ŭvažliva naziraje za padziejami psieŭda-vybaraŭ i ŭmieje dumać, napeŭna zaŭvažyli, jak nienaturalna chutka abjadnalisia isnujučyja kandydaty i štaby adkinutych pretendentaŭ na adnoj zadačy — na zabieśpiačeńni masavaha falšyvaha hałasavańnia i niedapuščeńnia bajkotu — hałoŭnaj niebiaśpieki dla CVK i režymu ŭłady», — piša były lidar apazicyi.
«Toje było ŭžo vidać u samym pačatku kampanii (asabliva ŭ bankira i ŭ Capkały) i vyhladała nibyta naturalna jak pazicyja ŭ svaich intaresach. Ciapier, paśla vydaleńnia pretendentaŭ z vybaraŭ, i, kali bankir siadzić za kratami, hety idyjatyčny nonsens źjaŭlajecca palityčnaj technałohijaj, uzhodnienaj z režymam, bo režym u masavym hałasavańni zacikaŭleny (cikava, što i tak zvanyja «štaby» byłych pretendentaŭ užo nie pavinny b navat isnavać, a jany vystaŭlajucca i režymu nie zaminajuć).
«Možna, viadoma, ŭsio heta skinuć na infantylizm i palityčnuju biezdapamožnaść štaboŭ bankira i Capkały (kali taki štab isnuje). Ale tut, jak u rasiejcaŭ, što b jany ni pačali rabić — vychodzić aŭtamat Kałašnikava», — piša Paźniak.
Štaby Babaryki, Capkały i Cichanoŭskaj abjadnalisia
Apytanka
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii

«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie

Kamientary