«Ідыятычны нонсэнс»: Пазняк пракаментаваў аб'яднанне штабоў Бабарыкі, Ціханоўскай і Цапкалы
І ён, як і Лукашэнка, упарта не называе Бабарыку па прозвішчы.
Адпаведны допіс ён змясціў у сваім фэйсбуку.
«Тыя, хто ўважліва назірае за падзеямі псеўда-выбараў і ўмее думаць, напэўна заўважылі, як ненатуральна хутка аб'ядналіся існуючыя кандыдаты і штабы адкінутых прэтэндэнтаў на адной задачы — на забеспячэнні масавага фальшывага галасавання і недапушчэння байкоту — галоўнай небяспекі для ЦВК і рэжыму ўлады», — піша былы лідар апазіцыі.
«Тое было ўжо відаць у самым пачатку кампаніі (асабліва ў банкіра і ў Цапкалы) і выглядала нібыта натуральна як пазіцыя ў сваіх інтарэсах. Цяпер, пасля выдалення прэтэндэнтаў з выбараў, і, калі банкір сядзіць за кратамі, гэты ідыятычны нонсэнс з'яўляецца палітычнай тэхналогіяй, узгодненай з рэжымам, бо рэжым у масавым галасаванні зацікаўлены (цікава, што і так званыя «штабы» былых прэтэндэнтаў ужо не павінны б нават існаваць, а яны выстаўляюцца і рэжыму не замінаюць).
«Можна, вядома, ўсё гэта скінуць на інфантылізм і палітычную бездапаможнасць штабоў банкіра і Цапкалы (калі такі штаб існуе). Але тут, як у расейцаў, што б яны ні пачалі рабіць — выходзіць аўтамат Калашнікава», — піша Пазняк.
Штабы Бабарыкі, Цапкалы і Ціханоўскай аб'ядналіся
Апытанка
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі26
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4242
Каментары