Žurnalista «Radyjo Svaboda» Antona Trafimoviča zabrali ŭ milicyju, skłali pratakoł za niepadparadkavańnie
Žurnalista «Radyjo Svaboda» siońnia znoŭ dastavili ŭ RUUS Zavodzkaha rajonu ŭ Miensku. Na jaho skłali administracyjny pratakoł za niepadparadkavańnie supracoŭnikam milicyi, paviedamlaje sajt vydańnia.
15 lipienia Antona Trafimoviča brutalna zatrymali ŭ centry Miensku paśla zakančeńnia strymu la Centarvybarkamu, dzie sabralisia prychilniki Viktara Babaryki i Valera Capkały. Nieviadomyja ludzi ŭ cyvilnym złamali jamu nos pry zatrymańni.
Na nastupny dzień milicyja patłumačyła, što žurnalist akazvaŭ supraciŭleńnie, a tamu suprać jaho prymianili fizyčnuju siłu.
Trafimovič ličyć, što sprava suprać jaho całkam vydumanaja. Milicyja takim čynam sprabuje apraŭdać svoj hvałt.
Siońnia ranicaj žurnalist jechaŭ zdymać paboi ŭ sudmedekspertyzu. Na vulicy Kižavatava da jaho padyšli supracoŭniki milicyi, zabrali telefon i źvieźli ŭ RUUS Zavodzkaha rajona.
«Mianie tam jaŭna čakali», — skazaŭ žurnalist.
Jon patłumačyŭ, što ranicaj jamu zvanili z Zavodzkaha RUUSu, prasili, kab pryjechaŭ na 10 chvilin. Ale pra administracyjny praces inspektar nia zhadvaŭ.
«Liču, što mianie chacieli zavabić tudy padmanam», — skazaŭ Trafimovič.
Žurnalist «Svabody» pravioŭ kala dźviuch hadzinaŭ u milicyi, jon admoviŭsia davać pakazańni i nie padpisaŭ pratakoły.
«Skazali, što paviazuć u sud, ale adpuścili biez tłumačeńniaŭ. — skazaŭ jon. — Ja ŭpeŭnieny, heta prosta jašče adna sproba zastrašyć mianie i inšych žurnalistaŭ».
Anton Trafimovič padaŭ zajavu ŭ Śledčy kamitet, prosić raspačać kryminalnuju spravu pa artykule 198 Kryminalnaha kodeksu — pieraškoda prafesijnaj dziejnaści žurnalista.
«Biełaruskija ŭłady pierad vybarami 9 žniŭnia sprabujuć spynić našu žurnalisckuju pracu i pieraškodzić aŭdytoryi atrymlivać dostup da nadziejnych navinaŭ», — zajaviła vykanaŭca abaviazkaŭ prezydenta «Radyjo Svabodnaja Eŭropa»/»Radyjo Svaboda» Dejzi Syndełar paśla šerahu zatrymańniaŭ žurnalistaŭ «Svabody».
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Łukašenka: Raman Pratasievič — daŭni supracoŭnik biełaruskaj raźviedki59
Kamientary