Alaksandr Łukašenka bačyć padobnyja detali pamiž sprobami razhajdać unutranuju situacyju ŭ Biełarusi ŭ 2010 hodzie paśla prezidenckich vybaraŭ i padčas ciapierašniaj kampanii. Pra heta jon zajaviŭ u čaćvier pry naviedvańni 103-j Viciebskaj pavietrana-desantnaj bryhady. Frahmient sustrečy z vajskoŭcami byŭ pakazany ŭ prahramie «Kontury» ŭ niadzielu na telekanale ANT, paviedamlaje BIEŁTA.
«Kali ŭ kahości z vas pamiać karotkaja, mušu nahadać: my heta prachodzili. Uspomnicie 2010 hod. I tady jak raz usio pačynałasia dla taho, kab nas pastavić na kaleni, — adznačyŭ kiraŭnik dziaržavy. — Uviali sankcyi, nachilali.
Nie atrymlivajecca… i tady na čarhovych prezidenckich vybarach vyrašyli pastavić na kaleni, arhanizavać hetuju bandu i kinuć na Dom urada».
«Tam 400 čałaviek ahresiŭnych bajevikoŭ, jakich my viedali pafamilna. Plus jašče 400, jakija mahli tam varušycca. A astatnija — heta raziavaki.
I ŭ asnoŭnym tam byli smarkačy, jakich addavali pad raśpisku maci. Jany prychodzili i zabirali svajo kaštoŭnaje stvareńnie», - nahadaŭ Alaksandr Łukašenka pra padziei dziesiacihadovaj daŭniny.
Jon źviarnuŭ uvahu na toj fakt, što ciapierašniaja situacyja ŭ niejkich detalach padobnaja da toj. «Heta śviedčyć pra toje, što pakul hety varyjant źviaržeńnia isnujučaha ŭrada ci raschistvańnia abstanoŭki zastajecca pa-raniejšamu aktualny», - upeŭnieny kiraŭnik dziaržavy.
Ciapier čytajuć
Śviatłana Cichanoŭskaja zaviała treds. Što joj pišuć biełarusy?3
Kamientary