U Žłobinie mužčyna, jakoha nie puścili ŭ restaran u spartyŭnym kaściumie, pakryŭdziŭsia na achoŭnika i pabiŭ minaka
30-hadovy žychar adnaho z nasielenych punktaŭ Žłobinskaha rajona razam ź siabrami vyrašyŭ adpačyć u restaranie ŭ Žłobinie. Adnak achoŭnik kampaniju, apranutuju ŭ spartyŭnuju vopratku, u zału nie puściŭ. Heta nie spadabałasia naviedvalniku. Mužčyna pačaŭ łajacca z rabotnikam restarana, a potym jamu pad ruku padviarnuŭsia hramadzianin, jaki taksama zachodziŭ u restaran. Ahresiŭny mužčyna schapiŭ za vopratku apošniaha, mocna paciahnuŭ i parvaŭ śvitar. Zatym pasprabavaŭ jaho stuknuć. Ale toj uchiliŭsia. Ich raźniali rabotniki achovy, paviedamlaje «Novyja dzień».
Paciarpieły ŭziaŭ taksi i pajechaŭ dadomu pieraapranacca, a jaho kryŭdziciel zastaŭsia na vulicy. Dačakaŭšysia viartańnia apošniaha, viaskoviec iznoŭ zadumaŭ bojku. Źbiŭ jaho z noh. Mužčyna stuknuŭsia hałavoj ab bardziurny kamień i atrymaŭ cialesnyja paškodžańni.
Niadaŭna adbyŭsia sud, jaki pryznaŭ viaskoŭca vinavatym u ździajśnieńni chulihanstva i prysudziŭ jamu štraf u pamiery 1890 rubloŭ.
Ciapier čytajuć
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza9
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary