Zajaŭniki vykazali niazhodu i zapatrabavali pierahledzieć hetaje rašeńnie.
Zajaŭniki vykazali niazhodu i zapatrabavali pierahledzieć hetaje rašeńnie.
Nahadajem, što 2 krasavika ŭ Minharvykankam była padadzienaja zajaŭka na praviadzieńnie tradycyjnaj žałobnaj vuličnaj akcyi na 26 krasavika (niadziela) «Čarnobylski šlach». Jaje zajaŭniki, pradstaŭniki Abjadnanych demakratyčnych siłaŭ, prasili dazvolić im akcyju pa nastupnym maršrucie: zbor a 12:00 na placoŭcy la Akademii navuk, potym šeście praśpiektam Niezaležnaści da płoščy Jakuba Kołasa — vulicy Charužaj — Bahdanoviča — Kulman — pierasiačeńnie Arłoŭskaj i Karastajanavaj. Čarnobylskaja kaplica stanie kančatkovym punktam.
Siońnia na sustrečy ŭ Minharvykankamie zajaŭnikam akcyi było admoŭlena ŭ praviadzieńni šeścia pa zajaŭlenym imi maršrucie. «Nam prapanavali stary maršrut — pa vulicy Surhanava» — paviedamiŭ staršynia Partyi BNF Lavon Barščeŭski. Pa jaho słovach, pradstaŭniki apazicyi piśmova zapatrabavali pierahledzieć hetaje rašeńnie, spasłaŭšysia na toje, što pa prapanavanym uładami maršrucie niemahčyma pravieści šeście. «Nam adkazali, što jašče raz pravierać maršrut pa Surhanava, i kali apyniecca, što my mieli racyju, to pierahledziać svajo rašeńnie» — skazaŭ sp. Barščeŭski.
Kali ž ułady vyrašać, što vulica Surhanava prydatnaja dla arhanizacyi masavych šeściaŭ, to apazicyju da kaplicy praviadzie milicyja, jak jana heta zrabiła na adnoj z akcyj pradprymalnikaŭ, paviedamiŭ staršynia Partyi BNF.
Dla pierahladu svajho rašeńnia Minharvykankam maje čas da 21 krasavika.
Kamientary