Cichanoŭskaja sabrała ŭ Homieli šmattysiačny mitynh praciŭnikaŭ Łukašenki VIDEA, FOTA
Čatyrochdzionnaje turne pa Viciebščynie, Mahiloŭščynie i Homielščynie kandydatka ŭ prezidenty Śviatłana Cichanoŭskaja zaviaršaje ŭ horadzie nad Sožam. Na mitynh tam sabralisia bolš za 10 tysiač čałaviek. Heta najbolšy palityčny schod tut za apošnija dziesiacihodździ.
Voś jak vyhladaŭ mitynh u Homieli. Hladzicie karotkija videa:
«Dobry dzień, rodny Homiel Siarhieja Cichanoŭskaha!» — tak raspačała svoj vystup Śviatłana Cichanoŭskaja.
«Toje, što ja staju na hetym miescy, zasłuha majho muža Siarhieja Cichanoŭskaha», — skazała jana. Ludzi adkazali skandavańniem «Siarhiej! Siarhiej!»
Nidzie raniej Śviatłana Cichanoŭskaja nie vystupała tak pranikniona, jak u Homieli.
«Małajčyna! Mocnaja žančyna!» — skazała karespandentu «Našaj Nivy» ŭdzielnica mitynhu Iryna, doktar-terapieŭt.
Ź piatnicy da niadzieli Cichanoŭskaja ŭ supravadžeńni pradstaŭnikoŭ štaboŭ Viktara Babaryki i Valeryja Capkały, a taksama paplečnikaŭ Paŭła Sieviarynca pravodziła pa try sustrečy ŭ dzień. U piatnicu — Hłybokaje, Navapołack, Viciebsk. U subotu — Orša, Mahiloŭ, Babrujsk. Siońnia — Žłobin, Rečyca i Homiel.
Mitynh u Homieli, jak i ŭsie papiarednija, prajšoŭ u vielmi mirnaj, žyćciaradasnaj atmaśfiery. Ludzi achvotna skandavali «Žyvie Biełaruś!», «Vierym! Možam! Pieramožam!», «Lubim! Možam! Pieramožam!», «Śvieta! Śvieta!», «Pieramien», «Svabodu».
Homiel — 510-tysiačny abłasny centr na paŭdniovym uschodzie Biełarusi. U 1994 hodzie mienavita Homielščyna dała Łukašenku najbolšy pracent hałasoŭ, bolšy, čym navat jaho rodnaja Mahiloŭščyna. I takaja situacyja praciahvałasia doŭha: Padniaproŭje zastavałasia bastyjonam padtrymki aŭtarytarnaha režymu. Jak možna mierkavać pa siońniašnim mitynhu, niešta pamianiałasia.
Našy karespandenty znachodzilisia ŭ Homieli. My prapanujem vašaj uvazie anłajn-infarmacyju ź miesca padziei, fota i videa.
Voś videastrymy (uličycie, što ŭ minułyja dni tranślacyi časam pieraryvalisia praź pierahruzku sietak na miescy mitynhu, vybirajcie toj strym, jaki ciahnie ŭ vas najlepš):
Za paŭhadziny da pačatku sustrečy na płoščy było ŭžo niekalki tysiač ludziej:
Kala 19.55 skončyłasia miesca na płoščy, ludzi źbirajucca za scenaj i na inšym baku darohi.
Ludzi valać z roznych bakoŭ, voś tak heta vyhladaje:
Łukašenkaŭcy ŭsiudy vyznačyli dla sustreč takija miaściny, kab było čym dalej ad ludnych miescach, nie na vidnie — ale ni ŭ Homieli, ni ŭ inšych haradach heta nie adstrašyła ludziej. Voś takija hości jość na mitynhu:
Čytajcie taksama: Na pikiet Śviatłany Cichanoŭskaj u Babrujsku nabiŭsia poŭny stadyjon VIDEA, FOTA
Uschod Biełarusi skanduje «Žyvie Biełaruś!». Žłobin ejfaryčna sustreŭ «Aniołaŭ Čarli» VIDEA
Na płoščy — sotni nacyjanalnych ściahoŭ — na dreŭkach i na śpinach ludziej, 3 Pahoni. Jość taksama niekalki dziaržaŭnych ściahoŭ i adzin ściah Jeŭrasajuza. Učora ŭ Mahilovie byli chłopcy sa ściahami z Če Hievaram i kubinskim, a ŭviečary ŭ Babrujsku — sa ściaham Izraila. A siońnia ŭ Homieli čałaviek pryjšoŭ z rasijskim ściaham. Karespandent «Našaj Nivy» zaŭvažyŭ, što jaho trymaje pjany mužčyna.
Inšy pravakatar u momant pačatku vystupu Cichanoŭskaj pačaŭ u miehafon pytacca: «Hdie skryła dochody?» Voś fota hetaha čałavieka (u centry):
Sproba jašče adnoj pravakacyi adbyłasia pry kancy sustrečy. U joj była zadziejničanaja pravakatarka-žančyna.
Ludzi nie źmiaščajucca na płoščy, stajać z druhoha boku vulicy:
Maryja Kaleśnikava pierarvała svoj vystup na chvilinu, kali čałavieku stała kiepska.
«Abo my ŭsie zastajomsia doma, i nas čakaje jašče horšy kryzis i abjadnańnie z Rasijaj pa darožnych kartach, abo my ździajśniajem našu maru pra svabodnuju i ščaślivuju Biełaruś», — skazała pradstaŭnica štaba Viktara Babaryki. «Žyvie Biełaruś!» — adkazała płošča.
Mitynh u Homieli, jak i ŭsie papiarednija, prajšoŭ u vielmi mirnaj, žyćciaradasnaj atmaśfiery.
Homiel — 510-tysiačny abłasny centr na paŭdniovym uschodzie Biełarusi. U 1994 hodzie mienavita Homielščyna dała Łukašenku najbolšy pracent hałasoŭ, bolšy, čym navat jaho rodnaja Mahiloŭščyna. I takaja situacyja praciahvałasia doŭha: Padniaproŭje zastavałasia bastyjonam padtrymki aŭtarytarnaha režymu. Jak možna mierkavać pa siońniašnim mitynhu, niešta pamianiałasia.
Turne Śviatłany Cichanoŭskaj praciahniecca ŭ sieradu. Ad sierady da niadzieli jana abiacaje prajechać jašče 15 haradoŭ.
Ciapier čytajuć
Biełaruś zaniała druhoje miesca pa złačynnaści siarod jeŭrapiejskich krain. Jak ža składali taki rejtynh?2
Biełaruś zaniała druhoje miesca pa złačynnaści siarod jeŭrapiejskich krain. Jak ža składali taki rejtynh?
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki88
Kamientary