Raman Šaŭcoŭ i Raman Stronhin nie pahadzilisia aśviatlać daterminovaje hałasavańnie ŭ kłubie.
Pres-sakratar minskaha «Dynama» Raman Šaŭcoŭ paćvierdziŭ pressball.by sychod z kłuba. Raniej z dynamaŭcami rasstaŭsia načalnik upraŭleńnia markietynhu i suviaziaŭ z hramadskaściu Raman Stronhin.
Abodva supracoŭniki napisali zajavu ab zvalnieńni «pa pahadnieńni bakoŭ», nie pahadziŭšysia (pa mierkavańniach asabistaha charaktaru) z prośbaj kiraŭnictva aśviatlić udzieł kamandy ŭ daterminovym hałasavańni na vybarach prezidenta, a pres-słužbie źniać ahitacyjny rolik.
Chakieistam prapanavali prahałasavać daterminova u piatnicu, 7 žniŭnia.
Kiraŭnictvam «Dynama» zajava Šaŭcova była zadavolena.
Raman Šaŭcoŭ — viadomy biełaruski žurnalist, jaki pracuje ŭ žanry repartaž, aŭtar błoha i telehram-kanała «Vaŭka nohi kormiać». Da pierachodu ŭ «Dynama» Šaŭcoŭ pracavaŭ u kampanii «Sport-pary», a taksama pres-sakratarom kłuba «Krumkačy».
Stronhin taksama paličyŭ dla siabie niemahčymym vykanać rasparadžeńnie kiraŭnictva i napisaŭ zajavu na zvalnieńnie. Zajava była zadavolena.
U spartyŭnaj žurnalistycy Stronhin pracuje z 1999 hoda. Da prychodu ŭ «Dynama» aśviatlaŭ chakiej na STB, źjaŭlaŭsia aŭtaram i viadučym prahram «Haračy lod» i «Prafiesijny boks».
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2020
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ20
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary