Samyja pryhožyja studentki Ŭschodniaj Jeŭropy
Na mižuniviersitetskim konkursie «Karaleva Viasna-2009» armianka stančyła z čyrvona-zialonym ściaham. A karona pieramožcy pajechała ŭ rasijski Staŭrapal.
U Miensku prajšoŭ tradycyjny mižnarodny konkurs hracyi i majsterstva «Karaleva Viasna‑2009». Udzieł u im, aproč biełaruskich dziaŭčat, prymali studentki ŭniviersitetaŭ Rasii, Ukrainy, Litvy i Łatvii.
Ad konkursaŭ «Mis…» «Karaleva Viasna» adroźnivajecca tym, što ŭdzielnicam zamiest vychadu ŭ kupalnikach treba prademanstravać svaje tvorčyja zdolnaści — stančyć ci praśpiavać, naprykład. Studentka Linhvistyčnaha ŭniviersitetu, armianka Naryne Ahandžanian, padyšła da zadańnia dosyć nieardynarna — stančyła narodny armianski taniec… ź biełaruskaj dziaržaŭnaj simvolikaj. I atrymała karonu druhoj vice‑mis i pryz hladackich simpatyjaŭ. Pradstaŭniki dyjaspary spantanna ŭstroili fiejeryčnaje śviatkavańnie — tančyli i śpiavali na scenie, padkidvali Naryne na rukach.
A hałoŭny pryz dastaŭsia Taćcianie Lebiedzievaj sa Staŭrapala. Usiu praceduru ŭznaharody jana prapłakała — vidać, pieramoha dla jaje stała niečakanaściu.
Nie abyšłosia biez kurjozaŭ. Kali viadučy abviaściŭ «novy prajekt Rainčyka, pierśpiektyŭny duet «Žanočaja liha», zajhrała fanahrama pieśni. A śpiavački vyjści nie paśpieli.
Ciapier čytajuć
Maładuju biblijatekarku z Horak asudzili za pratesty2
Maładuju biblijatekarku z Horak asudzili za pratesty
Piśmieńnica Taćciana Zamiroŭskaja raskazała pra novuju knihu, sny pra Łukašenku, košt žyćcia ŭ Ńju-Jorku i toje, čamu złuje na niekatorych biełarusaŭ1515
Kamientary