Pradprymalnik, siabar Kaardynacyjnaj rady pa Brestčynie, vyjechaŭ za miažu paśla pieratrusaŭ
Pra heta Andrej Varonin, jaki vałodaje meblevaj majsterniaj Woodworks, napisaŭ u svaim fejsbuku.
«Pa mianie pryjšli. Tolki ŭ niadzielu ja išoŭ pa Minsku z dvuchsottysiačnym natoŭpam, a siońnia ja ŭžo ŭ biahach. Usio adbyłosia vielmi imkliva, jany doŭha z takimi rečami nie ciahnuć.
Mnie apiačatali ŭsiu majsterniu z usimi stankami, materyjałam i vyrabami. Da baćkoŭ prychodzili śledčyja, pravodzili vobšuk, pieraviarnuli ŭsio dahary nahami, napałochali mamu. Chłopcaŭ z majoj kamandy ŭčora dapytvali 5 hadzin, zabrali telefony. Pryjazdžali da ich dadomu».
Jon piša, što ŭ vinu staviać niavypłatu padatkaŭ i ŭtojvańnie dachodaŭ u asabliva bujnym pamiery. Heta kryminalnaja sprava, terminam da 5 hadoŭ.
Ci źviazana heta z tym, što ja ŭvajšoŭ u skład Kaardynacyjnaja rady pa Brestčynie? Ci źviazana heta z majoj hramadzianskaj pazicyjaj? Ci źviazana heta z maimi zaklikami i pratestam na praciahu apošnich miesiacaŭ? Viadoma!» — napisaŭ jon.
Varonin źviartajecca da zakazčykaŭ, što vykanaje ŭsie svaje abaviazacielstvy.
«Moža, jany i zmohuć adabrać u nas stanki i draŭninu, ale našy ŭmieńni i navyki nichto nie adbiare. My kupim novyja stanki i znoŭ budziem pracavać i rabić dla vas pryhožyja rečy».
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary