Biełaruś zmoža ŭziać udzieł tolki ŭ šmatbakovych prajektach u ramkach novaj palityki Jeŭrasajuza «Uschodniaje partniorstva», bo dvuchbakovaj častki pakul nie isnuje, zajaviła Bienita Fierera-Valdnier.
Biełaruś zmoža ŭziać udzieł tolki ŭ šmatbakovych prajektach u ramkach novaj palityki Jeŭrasajuza «Uschodniaje partniorstva», bo dvuchbakovaj častki pakul nie isnuje. Ab hetym jeŭrakamisar pa źniešniaj palitycy Bienita Fierera‑Valdnier zajaviła na pres‑kanfierencyi ŭ Brusieli 23 krasavika.Zapis pres‑kanfierencyi znachodzicca na sajcie Jeŭrakamisii.
Bienita Fierera‑Valdnier nahadała, što «Biełaruś sama vykazała žadańnie zbližacca ź ES». «My adkrytyja i spadziajomsia na prahres , što my nadalej zmožam supracoŭničać z uładami Biełarusi», — zajaviła jeŭrakamisar.
Pavodle jaje słoŭ, ES uzajemadziejničaje ź biełaruskimi niaŭradavymi arhanizacyjami i ŚMI. Z aficyjnymi pradstaŭnikami Jeŭrakamisija pačała kansultacyi ŭ asobnych halinach: transpart, enierhietyka, źmianieńnie klimatu.
Jeŭrakamisar zaznačyła, što prapanova dla Biełarusi ab paŭnacennym členstvie ŭ Jeŭrapiejskaj palitycy dobrasusiedstva «zastajecca adkrytaj, ale dla hetaha nieabchodna vykanać peŭnyja ŭmovy». «Vy ŭsie viedajecie ab piaci rekamiendacyjach, jakija my zrabili Biełarusi», — ukazała Bienita Fierera‑Valdnier.
U kastryčniku 2008 hoda z 12 rekamiendacyj u jakaści asnovy narmalizacyi adnosinaŭ ź Biełaruśsiu ES vydzieliŭ piać: reforma vybarčaha zakanadaŭstva, zabieśpiačeńnie svabody abjadnańniaŭ, stvareńnie ŭmoŭ dla dziejnaści niaŭradavych arhanizacyj, svabody presy i źniaćcie abmiežavańniaŭ dla svabody asoby.
Ciapier čytajuć
«Pajšli nach*j vy i vaš «Baćka», pi***asy!» Pjanyja pryhody zrabili armianina Jarvanda palitviaźniem. Ciapier jon zmahajecca z prablemami ŭ Polščy1
Kamientary