Brytanski elektronny hurt «Depieš Mod» znoŭ zachapiŭ Halivud, zładziŭšy vialiki darmavy kancert dla žycharoŭ Łos-Anželesa.
Brytanski elektronny hurt «Depieš Mod» siońnia nočču zachapiŭ Halivud, zładziŭšy vialiki darmovy kancert dla žycharoŭ Łos-Anželesa.
Kab pahladzieć kancert, jaki doŭžyŭsia ŭsiaho 45 chvilin, na Bulvar Zorak pryjšli dziasiatki tysiač amataraŭ. Scena ź vializnymi teleekranami abapał stajała prosta pasiarod bulvaru.
Zorki prapiajali svaje chity «Tvoj piersanalny Isus», «Ciešsia ź cišy» i «Pabudź u majoj skury» /Walk in my shoes. Hety kancert adkryŭ suśvietnaje turne «chutkich modnikaŭ» pa śviecie, na jakim jany buduć przentavać svoj novy, 12-y, studyjny albom «Huki Suśvietu»/Sounds of the Universe.
Da RB «DM» znoŭ nie dajedzie. Ale biełaruskija amatary žyvuć kancertam, što maje adbycca ŭ Polščy: 23 traŭnia «Chutkaja Moda» vystupić u Varšavie. U hetyja dzień pierad biełaruskimi šanavalnikami jakasnaj muzyki i hrandyjoznych šoŭ budzie nie aby-jakaja dylema: abo pajechać na vyšej zhadany kancert u Varšavu, abo ciešycca ź vialikaha rok-kancertu tut, pad Minskam, u Baravoj. Mienski kancert na volnym pavietry maje nazvu Bela-music 09, a ŭ im vozmuć udzieł takija hurty, jak «Krama», Neuro Dubel, «Haradzkija», «Pałac», i «Dietidietiej». Darečy, pieršyja try hurty koliś rabili kaviery na pieśni «Depieš Moda». Zabjem dvuch zajcaŭ - abiarem Baravuju?
Kamientary