Kavalkova: Kali ŭłada dumaje, što Kaardynacyjnaja rada rehuluje pratesty, jana pamylajecca
Pra heta čalec prezidyuma Kaardynacyjnaj rady Volha Kavalkova zajaviła na pres-kanfierencyi ŭ Baršavie, piša Tut.by.
«Kali ŭłada dumaje, što členy Kaardynacyjnaj rady inicyjujuć niejkija masavyja pratesty, to jana pamylajecca. Biełaruski narod paśla 9 žniŭnia adčuŭ prynižeńnie, kali jamu ahučyli hetyja 80%, i jon siońnia vychodzić nie tamu, što chtości kudyści zaprašaje, a tamu, što jon adčuvaje, što jaho pravy ŭžo šmat hadoŭ nikomu nie patrebnyja ŭ Biełarusi, tym bolš uładzie, jakaja pavinna pradstaŭlać jaho cikavaść», — zajaviła Volha Kavalkova.
Nahadajem, što ranicaj 7 vieraśnia nieviadomyja ŭ centry Minska zatrymali čalca KR Maryju Kaleśnikavu. Taksama na suviaź pierastali vychodzić pradstaŭniki Kaardynacyjnaj rady Anton Radniankoŭ i Ivan Kraŭcoŭ.
Čalec prezidyuma Kaardynacyjnaj rady Pavieł Łatuška źjechaŭ za miažu, a Volha Kavalkova, jakaja adbyvała administracyjny aryšt u CIP na Akreścina, u subotu apynułasia ŭ Polščy. Jana skazała, što nie płanavała źjazdžać ź Biełarusi, a jaje vyvieźli z Akreścina (tam jana adbyła troje sutak z 15) i advieźli na pamiežny punkt «Bruzhi».
Kamientary