Sport55

Biełaruś — Narviehija — 3:2

Zbornaja Biełarusi pa chakiei praviała pieršy matč na druhim etapie čempijanatu śvietu.

Zbornaja Biełarusi pa chakiei praviała pieršy matč na druhim etapie čempijanatu śvietu.
Jaje supiernikam była nacyjanalnaja kamanda Narviehii, jakaja zaniała treciaje miesca ŭ hrupie «D». Darečy, hulnia ŭ Kłatenie pabiła rekord samaj nizkaj naviedvalnaści na hetym pieršynstvie.

I choć bukmiekiery adnaznačna stavili na pieramohu našych chłopcaŭ (kaaficyjent na vyjhryš biełarusaŭ składaŭ 1,4 da 1, narviežcaŭ — 5,2 da 1), hulnia vydałasia vielmi ciažkaj.
Miž inšym, sioleta heta ŭžo nie pieršaja hulnia kamand. Napiaredadni čempijanatu ŭ francuzskim Hrenobli biełarusy prajhrali supiernikam — 4:6, užo tady varta było naściarožycca.

Siońnia asabliva pravalnym dla nas akazaŭsia pieršy pieryjad. Užo na siomaj chvilinie Patryk Toresen vykarystaŭ niaŭdały pačatak ataki bramnikam Andrejem Miezinam — 0:1. Skandynavy jašče niekalki razoŭ mahli zapalić čyrvonaje śviatło za našymi varotami, ale nastupnymi razami Miezin byŭ biezdakorny.

Zatoje lik narviežcam atrymałasia padvoić u druhim pieryjadzie. Kolkasnuju pieravahu realizavaŭ Mats Truh. Dobra što amal adrazu biełarusy zmahli adnu šajbu adyhrać, namahańniami Alaksieja Ŭharava.

Užo ŭ trecim pieryjadzie našym atrymałasia prybrać hulni da svaich ruk. U samym pačatku apošniaj treci Michaił Hraboŭski ŭdała vykaciŭsia na piatačok i lik zraŭniaŭ — 2:2. U dalejšym abiedźvie kamandy mahli vyjavić pieramožcu jašče ŭ asnoŭny čas, ale znoŭ spatrebiŭsia oviertajm.

I kali ŭžo, zdavałasia, hulnia abaviazkova skončycca ŭ sieryi bulitaŭ, naš samy daśviedčany abaronca Rusłan Salej, za 25 siekund da sireny, zmoh prapichnuć šajbu ŭ narviežskuju bramu — 3:2.

Najlepšym hulcom matču ŭ składzie našaj zbornaj byŭ pryznany Alaksiej Kalužny, na rachunku jakoha dźvie halavyja pieradačy. Takim čynam, biełarusy ŭ hulni nabrali dva punkty, a narviežcy — adzin.

Turnirnaja tablica ŭ našaj hrupie vyhladaje nastupnym čynam: Kanada, Finlandyja — pa 6 punktaŭ (2 hulni), Biełaruś — 4 (3), Čechija — 3 (2), Słavakija — 1(2), Narviehija — 1 (3).

Siońnia viečaram u našaj hrupie sustrenucca Kanada — Čechija. Našy nastupnuju hulniu praviaduć 2 traŭnia ź finami. Pačatak a 21:15.

Kamientary5

Ciapier čytajuć

Izrail nanios rakietny ŭdar pa Iranie1

Śvietabnaŭlajecca1

Izrail nanios rakietny ŭdar pa Iranie

Usie naviny →
Usie naviny

Prakopjeŭ: Z kamandy jość tolki ja i Siarhiej Cichanoŭski53

Nikoł Pašynian vybačyŭsia pierad svajoj žonkaj4

13‑hadovaja Alisa Cieplakova — dačka kamunista sa Škłova — skončyła ŭniviersitet. Ale da navukovaj pracy jość pytańni ŭ sistemy «Antypłahijat»32

Pieršaja łedzi ZŠA ŭpieršyniu ŭ historyi praviadzie pasiadžeńnie Rady biaśpieki AAN3

Prajezd u adnoj ź minskich maršrutak padaražeje da piaci rubloŭ

Biełaruscy davodzicca dakazvać prava pisać dypłomnuju pracu pa-biełarusku10

Zabłakavanyja akaŭnty ChatGPT, źviazanyja z rasijskim Z-kanałam «Rybar»2

Siem čałaviek zahinuli pry vybuchu ŭ kaviarni ŭ Kazachstanie

Pakistan nanios avijaŭdary pa vajskovych abjektach talibaŭ u Kabule

bolš čytanych navin
bolš łajkanych navin

Izrail nanios rakietny ŭdar pa Iranie1

Śvietabnaŭlajecca1

Izrail nanios rakietny ŭdar pa Iranie

Hałoŭnaje
Usie naviny →

Zaŭvaha:

 

 

 

 

Zakryć Paviedamić