Žonka prapahandysta Rudzia, jakomu spalili mašynu, paśla vybaraŭ zvolniłasia z «SB»
Raman Rudź — redaktar adździeła rasśledavańniaŭ «Sovietskoj Biełoruśsii». Na jaho źviartali ŭvahu paśla hučnych chamskich zajaŭ, ale prasłaviŭsia jon paśla taho, jak dniami niechta padpaliŭ jaho mašynu. Rudź pierakanany, što heta adbyłosia praź jaho palityčnyja pohlady: «Za toje, što ja maju hramadzianskuju pazicyju, adroznuju ad ich punktu hledžańnia, spalili maju mašynu».
Čytajcie taksama: Prapahandystu Ramanu Rudziu z «SB» spalili mašynu
Pierad hetym chtości vykłaŭ kantaktnyja Rudzia ŭ telehram-kanale «Karniki Biełarusi». U paviedamleńni ŭdakładniałasia, što jaho žonka Julija Vasilišyna taksama pracuje ŭ «Sovietskoj Biełoruśsii».
Adnak nasamreč žonka Rudzia była cpiecyjalnym karespandentam haziety tolki da prezidenckich vybaraŭ. Apošniaja navina pad jaje aŭtarstvam była apublikavanaja 14 žniŭnia. Što stała pryčynaj zvalnieńnia?
«Ja abviarhaju sychod pa palityčnych matyvach, jana daŭno chacieła zvolnicca. Jana vučycca, nie chapała na ŭsio času ŭ «SB». Kryŭdna, što jaje ŭklučyli ŭ «Karniki Biełarusi», jana ŭvohule ni pry čym», — zajaviŭ Raman Rudź karespandentu «Našaj Nivy».
Sama Julija Vasilišyna kamientavać situacyju admoviłasia. Adnak kali adzin ź siabroŭ napisaŭ joj pad paviedamleńniem ab zvalnieńni słovy padtrymki: «Heta — pazicyja. Małajčyna», — Vasilišyna łajknuła jaho mierkavańnie.
U tyja ž dni, 13-14 žniŭnia, byli apublikavanyja apošnija artykuły jašče šerahu reparcioraŭ «Sovietskoj Biełoruśsii».
Naprykład, žurnalist Kanstancin Bakun paśla vybaraŭ padpisaŭsia pad artykułami «Dziermant ab pratestach: bačnaja ruka prafiesijanałaŭ, jakija žadajuć zadavolić doŭhaterminovy palityčny kryzis u Biełarusi», «Hihin: ludziej paklikali na vulicy, a zatym prosta kinuli» i «Što havorać ekśpierty ab niadzielnych biesparadkach» — i zvolniŭsia.
Dla redaktarki adździeła sacyjalnych prablem «SB» Ludmiły Habasavaj apošnim staŭ asudžalny artykuł «Minčanie vykazalisia pra padziei, jakija adbyvajucca ŭ stalicy i inšych haradach Biełarusi».
Syšła i śpiecyjalnaja karespandentka Volha Pasijak, jakaja pisała pra adukacyju.
Partał Tut.by paviedamlaŭ pra zvalnieńnie čatyroch rabotnikaŭ navinavaha adździeła sajta Sb.by — Śviatłany Hałuza, Alaksandra Kastyki, Vadzima Šundałava i Aliny Jančur.
Čytajcie taksama:
Redaktar adździeła «SB»: Nie treba hulać u vybary. Kiraŭnik, jaki dasiahnuŭ stabilnaści, źmianiacca nie pavinien
Redaktar «SB» pra niedziaržaŭnych žurnalistaŭ: Heta hnidy i mrazi, patrebny kuli i emihrancki parachod
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Kamientary