Julija Navalnaja raspaviała, jak «razmova» Nika i Majka dapamahła jaje mužu ŭ bierlinskaj klinicy
Alaksiej i Julija Navalnyja dali intervju videabłohieru Juryju Dudziu. Hałoŭnaj temaj razmovy stała atručvańnie apazicyjnaha palityčnaha dziejača i jaho nastupnaje znachodžańnie ŭ komie. Navalny 20 dzion byŭ u komie.
«Jon raspluščvaje vočy, potym znoŭ ich zapluščvaje, — raspaviała Julija pra stan muža. — Niby hladzić, ale, napeŭna, ničoha nie razumieje. I heta [vychad z komy] pytańnie niekalkich dzion. To bok niama takoha, što jon pračnuŭsia i skazaŭ usim «dobraj ranicy» ci zaŭśmichaŭsia. Takoha momantu nie było.
Ale ja, viadoma, pamiataju toj momant, kali jon nie razmaŭlaŭ, tamu što ŭ jaho ŭžo była trachieastoma — pa-mojmu, tak jana pravilna nazyvajecca. Heta trubka ŭ šyi. Tamu jon nie moh razmaŭlać. Tam jość śpiecyjalnaja zahłuška, jakuju ŭklučajuć u niejki momant, i ź joj možna razmaŭlać. Ale heta było nie adrazu. Mnie zdajecca, jon jašče nie moh havaryć u pieršyja dni. I ja jamu stała pakazvać pieramovy, jakija «źliŭ» Łukašenka, pieramovy Polščy…
— Majka i Nika?
— Tak, Polščy z Hiermanijaj. I ŭ niejki momant jon pačaŭ śmiajacca. Tady ja zrazumieła, što jak by, napeŭna, my jašče pazmahajemsia.
***
3 vieraśnia Alaksandr Łukašenka padčas vizitu ŭ Minsk premjera Rasii Michaiła Mišuścina zajaviŭ, što zajava Mierkiel ab atručeńni Navalnaha źjaŭlajecca falsifikacyjaj. I paabiacaŭ dać pierachopleny raźviedkaj telefonnuju razmovu z «dvuma abanientami».
4 vieraśnia telehram-kanał «Puł pieršaha» apublikavaŭ zapis telefonnaj razmovy Nika ź Bierlina i Majka z Varšavy. U joj Bierlin kaža, što «materyjały pa Navalnym hatovyja», a kiraŭnik Biełarusi nazyvaŭsia krepkim areškam. Zapis staŭ pradmietam žartaŭ u internecie.
Ciapier čytajuć
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia2
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary