Žančynie ź niepaŭnaletniaj dačkoj prysudzili 10 sutak aryštu. A heta zabaroniena zakonam
44-hadovuju Natallu Kruk ź Siomkava siłaviki schapili 8 listapada ŭ centry Minska. Razam ź joj zatrymali jašče i starejšuju dačku, 24-hadovuju Nastaśsiu. Ich abiedźviuch adpravili ŭ Žodzina, dzie praź niekalki dzion sudzili.
Aryštantaŭ z Žodzina raźmiarkoŭvajuć siarod sudździaŭ z roznych rajonaŭ Minskaj vobłaści. Natalla Kruk dastałasia niejkamu sudździ ź Vilejskaha rajona.
U žančyny jość jašče i małodšaja dačka, 14-hadovaja Darja. A heta značyć, što joj nie mahli prysudzić sutki. Heta zabaroniena Kodeksam ab administratyŭnych pravaparušeńniach. Ale vyhladaje, što sudździa ź Vilejki pra heta nie viedaŭ.
Žančyna raskazała sukamiernicam, što jon spytaŭ, ci dakładna Darji spoŭniłasia 14 hadoŭ. «U žniŭni byŭ dzień naradžeńnia», — adkazała maci. Tady sudździa prysudziŭ joj 10 sutak źniavoleńnia.
Imavierna, sudździa pabłytaŭ paniaćci «niepaŭnaletni» (da 18 hadoŭ) i «małaletni» (da 14 hadoŭ). KaAP u dadzienym vypadku havoryć ab niepaŭnaletnich, a nie małaletnich.
Starejšaja dačka, Nastaśsia, taksama atrymała aryšt — 8 sutak.
«Dumali, što adpuściać paśla suda chacia b žonku, bo ŭ nas ža niepaŭnaletniaja dačka. Ale ž nie», — biaduje Dźmitryj Kruk, muž Natalli. Jon narakaje, što ni ŭ žonki, ni ŭ dački na pracesie nie było advakata, jaki moh by ŭkazać sudździ na hrubuju pamyłku.
Padobnaja situacyja zdaryłasia sioleta z aktyvistkaj Alenaj Łazarčyk. Paśla rozhałasu ŭ ŚMI sud adrazu ž pierahledzieŭ rašeńnie, i sutki zamianili na štraf.
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary