Hramadstva

Aŭtuchoviča nazvali lidaram «terarystyčnaha atrada», jaki paliŭ damy i mašyny siłavikoŭ

Byłoha palitviaźnia Mikołu Aŭtuchoviča nazvali lidaram «terarystyčnaha atrada».

U efiry dziaržaŭnaha telebačańnia było abvieščana pra datyčnaść Aŭtuchoviča da padpału doma milicyjaniera ŭ Vaŭkavysku, a taksama da padpału aŭto milicyjaniera ŭ Hrodnie.

Śviedčyć suprać Aŭtuchoviča ŭ siužecie Pavieł Sava — «biespracoŭny minčanin, što nieadnarazova siadzieŭ», tak jaho pradstaŭlajuć u siužecie.

Sava kaža, što mašynu Aŭtuchovič padarvaŭ z dapamohaj traciłavaj šaški, sam jon «stajaŭ na šuchiery».

«U vierchavoda byŭ sabrany vialiki arsienał zbroi i vybuchoŭki. A jaje ŭdzielniki vykonvali miery kanśpiracyi, chavalisia ad pravaachoŭnikaŭ u roznych haradach», — havorycca ŭ repartažy.

U siužecie paviedamlajecca, što, kaho i dzie padryvać abo padpalvać — Mikałaj Aŭtuchovič nibyta braŭ prosta z telehrama.

«Mnie dastatkova, kab mnie «naviesili» termin tolki za toje, što ja zaklikaŭ da źviaržeńnia režymu. Heta ŭ fejsbuku pahladzicie. Usiaho chopić na pažyćciovaje. U mianie cełaja mašyna arsienału, što jašče treba dakazvać?» — pryvodziać słovy Aŭtuchoviča ŭ siužecie. Na dopycie Aŭtuchoviča trymajuć sa źviazanymi rukami.

Paviedamlajecca, što kanfiskavanyja aŭtamat, pistalety, hłušyciel, kala paŭtary tysiačy patronaŭ, 8 traciłavych šašak, 8 ručnych hranat. Hatovyja dla padpału piacilitrovyja butli, bałakłavy, racyi i jašče šmat usiaho.

Nazyvajucca ŭ siužecie i inšyja imiony pamahatych. Heta Siarhiej Razanovič, Luboŭ Razanovič, Pavieł Razanovič, Iryna Haračkina, Iryna Mielchier i Anton Mielchier.

*****

Mikałaj Aŭtuchovič — 57-hadovy pradprymalnik i hramadski aktyvist. Naradziŭsia ŭ Vaŭkavysku, słužyŭ u Afhanistanie, adkul viarnuŭsia z bajavymi ŭznaharodami. Z nula stvaryŭ słužbu taksi ŭ Vaŭkavysku. U 2003, jak śćviardžaje, nie pahadziŭsia davać chabar padatkavikam, i tyja pačali dušyć jaho biznes. Ładziŭ publičnyja akcyi pratestu. Razam z Aŭtuchovičam haładali bolš za 30 čałaviek, i ŭłady išli na sastupki.

U 2004 bałatavaŭsia ŭ Pałatu pradstaŭnikoŭ. Atrymaŭ pieršy turemny termin pa abvinavačańni va ŭchileńni ad vypłaty padatkaŭ i za niezakonnuju pradprymalnickuju dziejnaść. Vyjšaŭ na volu ŭ 2008, u 2010 znoŭ byŭ asudžany na 5 hadoŭ i 2 miesiacy źniavoleńnia pavodle artykuła «Niezakonnyja dziejańni adnosna ahniastrelnaj zbroi, bojeprypasaŭ i vybuchovych rečyvaŭ»: u jaho doma padčas pieratrusu znajšli niekalki nabojaŭ dla palaŭničaj strelby. 

Kamientary

Ciapier čytajuć

Hurt «Drazdy» vinavacić u svaim pakidańni sceny «hipieraktyŭnych błohieraŭ»

Hurt «Drazdy» vinavacić u svaim pakidańni sceny «hipieraktyŭnych błohieraŭ»

Usie naviny →
Usie naviny

DAI budzie vykarystoŭvać novyja kamiery ŭ Minsku — dla kantrolu spynieńnia i stajanki1

Minskuju Sierabranku čakajuć maštabnyja źmieny3

Eks-palitviazień raskazaŭ, jak atrymaŭ mikrainfarkt padčas suda1

Mužčynu zabiła małanka ŭ Stolinskim rajonie

«Heta šlach adzinočki». Biełarus bolšuju častku žyćcia pravodzić u vandroŭkach — naviedaŭ užo amal 500 abjektaŭ JUNIESKA17

Izrail pierachapiŭ sudna z Hretaj Tunbierh, jakoje išło ŭ Hazu5

Kala Drazdoŭ pradajecca dom za $2,5 miljona5

Na abiedzie Łukašenki i Si Czińpina prysutničała i adzinaja dačka kitajskaha lidara17

Andrej Pavuk pryjšoŭ na prajd u Vilni ŭ formie milicyjanta z čyrvona-zialonym ściaham. Čamu?49

bolš čytanych navin
bolš łajkanych navin

Hurt «Drazdy» vinavacić u svaim pakidańni sceny «hipieraktyŭnych błohieraŭ»

Hurt «Drazdy» vinavacić u svaim pakidańni sceny «hipieraktyŭnych błohieraŭ»

Hałoŭnaje
Usie naviny →

Zaŭvaha:

 

 

 

 

Zakryć Paviedamić