Zbornuju Biełarusi pa futbole moža ŭznačalić trenier, jaki pracavaŭ u čaćviortym rasijskim dyvizijonie
51‑hadovy biełaruski śpiecyjalist Alaksandr Kulčy moža ŭznačalić zbornuju Biełarusi.
Jak paviedamili ŭ prahramie «Halavaja pieradača», Kulčy ŭžo prachodziŭ sumoŭje ŭ Domie futboła, piša football.by.
Apošnim miescam jaho pracy byŭ «Amkar» z čaćviortaha dyvizijona Rasii. Na čale kamandy jon pravioŭ 8 matčaŭ: 4 parazy i i 4 pieramohi. Taksama ŭ svoj čas Kulčy pracavaŭ u štabie zbornaj, treniravaŭ maskoŭskaje «Dynama-2», «Homiel», taksama rasijski «Muram» z čaćviertaha dyvizijona.
U składzie zbornaj Biełarusi jak hulec pravioŭ 102 matčy — bolš za ŭsich.
Sa žniŭnia 2023 hoda zbornuju Biełarusi pa futbole treniruje ispanski śpiecyjalist Karłas Ałos. Pry im kamanda atrymała šeść pieramoh, zhulała vosiem ničyich i paciarpieła 10 parazaŭ.
U adbory da čempijanatu Jeŭropy 2024 hoda Ałos pryjšoŭ na siaredzinie adboru, pry im kamanda dvojčy vyjhrała, zhulała try ničyi, mieła adnu parazu i finišavała čaćviertaj u hrupie śledam za zbornymi Rumynii, Šviejcaryi i Izraila i apiaredziŭšy Kosava i Andoru.
U adbory da čempijanatu śvietu 2026 u kamandy čatyry parazy: ad Hrecyi (1:5), Danii (0:6) i Šatłandyi (0:2, 1:2) i nie maje navat tearetyčnych šancaŭ na vychad z hrupy, choć zastalisia dva matčy ŭ listapadzie.
Adbor na nastupny čempijanat Jeŭropy pa futbole, jaki płanujecca ŭ 2028 hodzie, pačniecca z vosieni 2026 hoda.
U matčy Uels — Bielhija na pole vybieh pacuk
Na čempijanat śvietu pa futbole vyjšła zbornaja krainy, čyj ściah paraduje voka mnohich biełarusaŭ
Zbornaja Fareraŭ — bolš nie futbolny karlik. Jany majuć čatyry pieramohi ŭ adbory
Zbornaja Biełarusi pa futbole znoŭ prajhrała šatłandcam u adboračnym matčy. Zatoje choć raz zabili
Kamientary